Read Kalderash Romani Cornilescu Bible 2020 (Romania) Psalmea 72 Bible Online

Psalmea 72 - Kalderash Romani Cornilescu Bible 2020 (Romania) bible

Psalmea 72

¹Khă psalmo le Solomonohko. Devlla, de le krisa Tiră le thagarehkă, thai de o čeačimos Tiro le šeavehkă le thagarehkă!

²Thai o krisînila Te poporos čeačimasa, thai le bibaxtalimatăn Tirăn ortomasa.

³Le baŕlebară anena pačea le poporohkă, thai le pleaia sa kadea, sar phirimos Te čeačimahko.

⁴O kărăla čeačimos le bibahtalengă le poporohkă, skăpila le šeaven le čioŕăkărăn, thai linčearăla le zuralimatăs.

⁵Kadea kă darana Tutar, sode avela o kham, thai sode dičiola pe o šonuto, anda neamo neamoste;

⁶avela sar khă brîšind, kai perăl pe khă phuw čeareasa šindi, sar khă brîšind iekhatar, kai tindearăl o islazo.

⁷Andel des lehkă luludearăla kukoa o bibezexalo, thai avela bravalimos pačeako ji kana či mai avela šonuto.

⁸O stăpînila katakh rig kai kolaver, thai kata o Nanilaši ji kal gora la phuweakă.

⁹Le manuši la pustiakă dena čeang angla leste, thai le dušmaia čeaŕăna e phuw.

¹⁰Le thagar le Tarisohkă thai le ostrovengă potinena dimata, le thagar la Sebiakă thai la Sabakă anena pativa.

¹¹E, sa le thagar bandeona angla leste sa le neamuri kandena les. Is.

¹²Kă o skăpila le čioŕăs kai çîpila, thai le bibaxtales kai nai les kandimos.

¹³Avela les mila kole bibaxtalestar thai kolestar kai nai les, thai skăpila e čivava le čioŕăndi;

¹⁴lela pa lende o meklimos thai o pharimos, thai lengo rat avela kuči angla Leste.

¹⁵On traina, thai dena les sumnakai andai Seba; rudina pe biatărdimahko anda leste, thai denalesdumadămišto ande sako des.

¹⁶Avela bravalimos divehko ando čem, ji ando gor le baŕăbarăngo, thai le spikuri lengă bandeona sar le kašt andoa Libano; le manuši luludearăna andel četăçi sar e čear la phuweati.

¹⁷Lehko anau avela ando veako; sode o kham nikrăla lehko anau. Lesa denapedumadămišto iekh avrănça, thai sa le neamuri phenena lehkă baxtalo.

¹⁸Dinodumadămišto te avel o Rai, o Dell le Israelohko, o korkoro kai kărăl šukarimata!

¹⁹Dinodumadămišto te avel andel veakuri slăvime Lehko Anau! Sai phuw te pherdeol Lehka slavatar! Amino! Amino!

²⁰O gor le rudimatăngo le Davidohkă, o šeau le Isaiehko.