Read Kalderash Romani Cornilescu Bible 2020 (Romania) Psalmea 73 Bible Online

Psalmea 73 - Kalderash Romani Cornilescu Bible 2020 (Romania) bible

Psalmea 73

¹Khă psalmo le Asafohko. E, lašo sî o Dell le Israelosa, kolença le illesa ujo.

²Varesar, sas te bandeol muŕo punro, thai sas te isdran mîŕă pašea!

³Kă dikhauas bangăs ka kola le bidindine, kana dikhauas o baxtalimos kole jungalengă.

⁴Ande čeačimaste, khanči či biujearăl le ji koa mullimos, thai lengo stato sî pherdo thulimos.

⁵Na le rig anda le dukhaimata le manušengă, thai nai malade sar le kolaver manuši.

⁶Anda kodea o barimos kandel le sar e salba, thai o zuralimos sî e raxami kai len pe peste.

⁷Anklen lengă iakha thulimastar, thai sî le mai but dă sar kamblea lengo illo.

⁸Asan thai den duma nasulimasa poa meklimostelal: den duma opral,

⁹vazden pehko mui ji kal čeruri, thai šib phirăl sai phuw.

¹⁰Anda kodea prastel e lumea karing lende, nakhaven pai čeailimaste,

¹¹thai phenel: „So daštil te jeanel o Dell, thai so dašti te prinjeanel o Kukoa But Baro?”

¹²Kadea sî le jungale: orkana baxtale, thai barearăn pehkă bravalimata.

¹³Dă iveantaină ujeardem me muŕo illo, thai xaladem mîŕă vast ando bidošalimos:

¹⁴kă ande sako des sîm malado, thai ande sako droboimos sîm došaldo.

¹⁵Te phenaua: „Kamau te dau duma lença”, dikta kă nahkă avau pateamno le neamohkă Te šeavengă.

¹⁶De ma godi ka kadala butea kaste atearau le, ta dă ivea sas mîŕî buti,

¹⁷Ji kana šute ma ando sfînto than le Devllehko, thai lem godi kai bax palal kolengă le jungalengă.

¹⁸E, Tu thos le andel thana istraimahkă, thai šudes le ando xasardimos.

¹⁹Sar sî mudarde andekh leaka! Sî xasarde, šudine ande khă gor prikazohko.

²⁰Sar andekh suno koa ušteaimos, kadea šudes lengo tipo, Raia, koa ušteaimos Tiro!

²¹Kana kărteolas muŕo illo, Thai atearauas ma pusado andel poŕa,

²²sîmas dilo, thai bi krisako, sîmas sar khă jivino angla Tute.

²³Ta me sîm orkana Tusa, Tu azbadean ma le čeače vastestar;

²⁴phiravesa ma Tiră divanosa, pala kodea lesa ma ande slava.

²⁵Kas aver sîma man ando čerii avri anda Tute? Thai pe phuw či arakhau muŕo čeailimos ande khanikaste dă sar ande Tute.

²⁶O mas thai o illo dašti bilan: anda kă o Dell avela orkana o Kotorlebaŕăhko mîŕă ilehko thai e rig mîŕî le mandimatasti.

²⁷Kă dikta kola kai dureon Tutar, xasaon; Tu mudarăs sa kukolen kai nai Tukă pateamne.

²⁸Sode pa mande, o baxtalimos muŕo, sî te pašuau le Devllestar: le Raies le Devlles kărau Les o than mîŕă garaimahko, kaste phenau sa le butea Tiră.