Read Kalderash Romani Cornilescu Bible 2020 (Romania) Psalmea 75 Bible Online

Psalmea 75 - Kalderash Romani Cornilescu Bible 2020 (Romania) bible

Psalmea 75

¹Karing o maibaro le dilabaitorengo. „Na Xasar.” Khă psalmo le Asafohko.Khă dilabaimos. Lăudisaras Tu, Devlla, lăudisaras Tu; ame, kai akharas Tiro Anau, Vestisaras le šukarimata Tiră!

²„Atunčeara kana avela o čiro mothodino”, phenel o Rai, „krisîniua čeačimatasa.

³Daštil te izdral e phuw lakă manušença: kă Me zurearau lakă tille.” (Atărdimos)

⁴Me phenau kolengă kai denpe bară: „Na den tumebară!” Thai kolengă le jungalengă: „Na vazden o šero opră!

⁵Na vazden tumaro šero kadea opră, na den duma kaditi barimasa!

⁶Kă či katar luludearălokham, či katar perălokham, či andai pustia, či avel o vazdimos.

⁷Ta o Dell sî Kukoa kai krisînil: O peravel iekhăs, thai vazdel avrăs.

⁸Ando vast le Raiehko sî khă thahtai, ande sao tireo khă moll pherdi namimata. Kana šorăles, sa kola le jungale pai phuw çîrden, thai pen les ji koa fundo!

⁹Ta me phenaua orkana kadala butea; dilabaua lăudimata ande pativ le Devllesti le Iakovosti.

¹⁰Thai peravaua sa le zora le jungalengă: le zora kolehkă bibezexalehkă vazdena pe.