Read Kalderash Romani Cornilescu Bible 2020 (Romania) Psalmea 8 Bible Online

Psalmea 8 - Kalderash Romani Cornilescu Bible 2020 (Romania) bible

Psalmea 8

¹Karing o mai baro le dilabaitorengo. Diabaindoi pe po Ghitito. Khă dili le Davidosti. Raia, Devlla amaro, sode dă šukar sî Teo anau pe sai phuw! E Slava Tiri vazdel pe mai opră dă sal čeruri.

²Andoa mui le šaorăngo thai kolengo kai pen čiuči, ankaladea Tukă khă zuralimos nikărdimahko pa le dušmaia Tiră, kaste phandaves o mui le dušmaiengo thai le manušehko dorosa te vazdel pe.

³Kana dikhau le čeruri — e buti Tiră vastendi — o šonuto thai le čeraia kai kărdean le,

⁴phenau mangă: „So sî o manuši, kaste des Tu godi leste? Thai o šeau le manušehko, kaste šos les ande sama?

⁵Kărdean les xançîmasa mai tele dă sar le Devlles, thai dean les koroana slavati thai pativati.

⁶Dean les stăpînimos pa sal butea Te vastengă, sa thodean le tala lehkă pînŕă:

⁷le bakrea thai le guruw andekhthan, le juwindimata le kîmpohkă,

⁸le čiriklea le čerehkă thai le maše la mareakă, Sa so phirăn le droma le mărengă.

⁹Raia, o Dell amaro, sode dă šukhukar sî o Anau Tiro pe sai phuw!