Read Kalderash Romani Cornilescu Bible 2020 (Romania) Psalmea 80 Bible Online

Psalmea 80 - Kalderash Romani Cornilescu Bible 2020 (Romania) bible

Psalmea 80

¹Karing o mai baro le dilabaitorengo.Dă dilabaimos i sar le „Krinea le phendimahkă.” Khă psalmo le Asafohko. Le sama, Bakreari le Israelohko, Tu, sîkaves le Iosifos sar khă kîrdo! Sîkav Tu, ande Teo străfeimos, Tu kai bešes maškar le xeruvimea!

²Ušteav Ta Ti zor, angloa Efraimo, o Beneamino thai o Manase, thai av ande amaro kandimos!

³Vazdeame, Devlla, Kăr te străfeal Teo Mui, thai avasa skăpime!

⁴Raia, Devlla, le oštirengo, ji kana xolleaosa, sa le rudimasa te poporohkărăsa?

⁵Čeailearăsle khă manŕăsa iasfăngo, thai des le te pen iasfa pe čeailimaste.

⁶Kărăs ame te avas e phabai le xamasti amară pašengo, thai le dušmaia amară asan amendar maškar lende.

⁷Vazdeame, Devlla le oštirengo! Kăr te străfeal o Mui Tiro, thai avasa skăpme.

⁸Tu andean khă răz andoa Ejipto, našadean le neamuren, thai thodean la ande phuw.

⁹Kărdean than angla late: thai oi dea anglunimata thai pherdea o čem.

¹⁰Le baŕlebară sas garade laka ušealeatar, thai le raia lakă sas sar varesar čedrii le Devllehkă.

¹¹Tinzolas pehkă lăstăriça ji kai marea, thai le lakă raia ji koa Nanilaši.

¹²Anda soste phaglean lati bar akana, ta čiorăn la sal phirditorea?

¹³Xunavela o balo le văšehko, thai xan la le jivine le kîmpohkă.

¹⁴Devlla le oštirengo, ambolde Tu pale! Le sama andoa čerii, thai dikh! Rode e răz kadea!

¹⁵Nikăr so thodea ande phuw Ti čeači, thai le šeaves, kai alosardean Tukă les! …

¹⁶Oi sî phabardi iagatar, sî šindi! Anda e xolli Te Mosti, on xasaon!

¹⁷O vast Tiro te avel poa manuši la čeačea Tireako. Poa šeau le manušehko kai Tu alosardean les!

¹⁸Thai atunčea či mai duriuasa Tutar. Vazde ame pale, thai akharasa Teo Anau.

¹⁹Raia, Devlla le oštirengo, vazdeame pale! Kăr te străfeal o Mui Tiro, thai avasa skăpime!