Read Kalderash Romani Cornilescu Bible 2020 (Romania) Psalmea 81 Bible Online

Psalmea 81 - Kalderash Romani Cornilescu Bible 2020 (Romania) bible

Psalmea 81

¹Karing o mai baro le dilabaitorengo.Dă dilabaimos Po Ghitito.Khă psalmo le Asafohko. Dilaban vesălimasa le Devllehkă, kai sî amari zor! Vazden çîpimata bukurimahkă le Devllehkă le Iakovohkă!

²Dilaban khă dili, bašaven andai toba, andai xarfa e čeaili thai andai lăuta!

³Bašaven andai šing koa šonuto o neo, koa šonuto pherdo, ando des amară desăhkolebarăhko.

⁴Kă kadea sî khă kris andoa Israelo, khă mothodimos le Devllehko le Iakovohkă.

⁵O thodea o desbaro kadoa anda o Iosifo, kana gălo pa o čem le Ejiptohko… Atunčeara ašundem khă mui, savo či prinjeandem les:

⁶„Lem tele lehko pharimos poa dumo, thai lehkă vast či mai nikrăn o košo.

⁷Çîpisardean ando năkazo, thai skăpisardem tu; thai zumadem tu kal paia le Meriba.

⁸Ašun, Muŕo poporo, thai sîkavaua tu, Israelona, te ašunesa Ma!

⁹Či khă del străino te na avel ande teo maškar, thai te na bandeos anglal devla le străinuri!

¹⁰Me sîm o Rai, o Dell tiro, kai ankaladem tu andoa čem le Ejiptohko; buflear teo mui, thai pheraua tukă les!”

¹¹Ta o poporo Muŕo či ašundea Muŕo mui, o Israelo či ašundea Ma.

¹²Atunčea meklem le ando kamimos le telearimahko lengă illehko, thai phirde pala lengă divanuri.

¹³O! te ašunela Ma o poporo Muŕo, te phirăla o Israelo ande Mîŕă droma!

¹⁴Andekh leaka sahkă peravau lengă dušmaien, amboldava Mîŕî xolli pal dušmaia lengă;

¹⁵kola kai či dabadikhăn le Raies, sahkă čearăn Les, thai o baxtalimos le Israelohko sakhă trail ando veakuri.

¹⁶Thai sahkă pravarau le ăl divesa le mai lašesa, thai sahkă čeailearau le avdinesa andoa Kotorlebaŕăhko.”