Read Kalderash Romani Cornilescu Bible 2020 (Romania) Psalmea 85 Bible Online

Psalmea 85 - Kalderash Romani Cornilescu Bible 2020 (Romania) bible

Psalmea 85

¹Karing o mai baro le dilabaitorengo. Khă psalmo le šeavengă le Koreahkă. Tu sanas lašimasa le čemesa Tirăsa, Raia! Andean parpale le astarden le mardimahkărăn le Iakovohkă;

²iertisardean e bikris Te poporosti,

³garadean sa lehkă bezexa; (Atărdimos) dean rigate sa Teo astardimos, thai amboldean Tu andoa iuçîmos Tea xolleako.

⁴Ambolde ame pale, Devlla amară skăpimahko! Atărdear Ti xolli pa amende!

⁵Ando veako avesa xolleariko pe amende? Andel veakuri nikrăs Ti xolli?

⁶Či ušteaves ame pale, anda kaste bukuril pe o poporo Tiro ande Tute?

⁷Sîkau amengă, Raia, o lašimos Tiro, thai dea me Teo skăpimos!

⁸Me ašunaua so phenel o Dell, o Rai: kă O del duma pačeasa Pehkă poporohkă thai Lehkă kamblimengă, dăsar, te na perăn pale ando dilimos.

⁹E, o skăpimos Lehko sî paše kolendar kai daran Lestar, anda kaste ande amaro čem, te bešel e slava.

¹⁰O lašimos thai o pateaimos arakhadeon, o čeačimos thai e pačea čiumiden pe.

¹¹O pateaimos lulludearăl andai phuw, thai o čeačimos dikhăl opral andal čerurii.

¹²O Rai dela ame i baxtalimos, thai e phuw amari dela pehkă roduri.

¹³O čeačimos phirăla angla Leste, thai jeala, ušteaindoi pel urme Lehkă pasurengă!