Read Kalderash Romani Cornilescu Bible 2020 (Romania) Psalmea 86 Bible Online

Psalmea 86 - Kalderash Romani Cornilescu Bible 2020 (Romania) bible

Psalmea 86

¹Khă rudimos le Davidohko. Le sama, Raia, thai ašun ma! Kă sîm bibaxtalo thai nai ma.

²Arakh muŕo duxo, kă sîm iekh anda kola kamblime Tutar! Skăpisar, Devlla, le robos Tirăs, kai pateal pe ande Tute!

³Avel Tu mila mandar, Raia! Kă soŕo des çîpi karing Tute.

⁴Vesălisar o duxo Te robohko, kă Tute, vazdau muŕo duxo.

⁵Kă Tu san lašo, Raia, iekhatar, te iertis, thai pherdo mila anda sa kola kai akharăn Tu.

⁶Bandear Teo kan, Raia, koa rudimos muŕo, le sama koa mui mîŕî manglimatăngo!

⁷Akharav Tu, ando des mîŕă năkazosko, kă ašunes ma.

⁸Khonikh nai sar Tute maškar le devla, Raia, thai khanči na ameal Tiră buteança.

⁹Sa le neamuri, kai kărdean le, avena te bandeon angla Tute, Raia, thai te den slava Te Anavehkă.

¹⁰Kă Tu san baro, thai kărăs šukarimata, Dăsar Tu san o Dell.

¹¹Sîkau ma le droma Tiră, Raia! Me phiraua ande Teo čeačimos. Kăr muŕo illo te daral Te Anavestar.

¹²Lăudiua Tu anda sa muŕo illo, Raia, Devlla muŕo, thai barearaua o Anau Tiro andel veakuri!

¹³Kă baro sî Teo lašimos anda mande, thai Tu skăpis muŕo duxo andai xar le zhanesti le mullendi.

¹⁴Devlla, varesar kai denpebară uštile pa mande, khă kîrdo manušengă zuralimahkă kamen te len mîŕî čivava, thai či den pe godi Tute.

¹⁵Ta Tu, Raia, Tu san khă Dell ajukărimahko thai milako, but răbdimahko thai bravalo ando lašimos thai ando pateaimos.

¹⁶Ortosar te dikhlimata karing mande, thai avel Tu mila mandar: de zor Te robos, thai skăpisar le šaves la roabako Tireako!

¹⁷Kăr ăkh sămno anda mande, kaste dikhăn mîŕă dušmaia thai te ašen lajavehkă, kă Tu kandes ma thai thos teo vast pa mande, Raia!