Read Kalderash Romani Cornilescu Bible 2020 (Romania) Psalmea 88 Bible Online

Psalmea 88 - Kalderash Romani Cornilescu Bible 2020 (Romania) bible

Psalmea 88

¹Khă dili.Khă psalmo le šeavengo le Korehkă. Karing o mai baro le dilabaitorengo.Dă dilabaimos le flautosa. Khă dilabaimos le Xemanohko, o Ezraxito. Raia, Devlla mîŕă skăpimahko! Des thai reat çîpi angla Tute!

²Te arăsăl o rudimos muŕo angla Tute! Le sama kal manglimata mîŕă;

³kă čeaili'lo muŕo duxo nasulimatăndar, thai pašol mîŕî čivava le thanestar le mullengărăstar.

⁴Sîm thodino ando širo kolengo kai ulen ande groapa, sîm khă manuši, kai manai les zor.

⁵Bešeau tinzome maškar kola le mule, sar kola mudarde thai sutine ando mormînto, savendar či mai anes Tukă godi, thai save sî xulade Te vastestar.

⁶Šudean ma ande groapa e mai telal, ando tuneriko, andel xareandră.

⁷E xolli Tiri phareol pe mande, thai des pa mande sal valurea Tiră. (Atărdimos) .

⁸Dureardean mandar sa mîŕă amalen, kărdean ma khă buti greaçati anda lende; sîm phandado thai našti mai ankleau.

⁹Bilan mîŕă iakha dukhatar; ande sal des akarau Tu, Raia, thai tinzo mîŕă vast karing Tute!

¹⁰Ta andal mulle kărăs Tu šukarimata? Or mai ušten le mulle Te lăudin Tu? (Atărdimos) .

¹¹Del pe duma Te lašimastar ando Mormînto, thai le pateaimastar Tirăstar ande Xareandră?

¹²Sî prinjeande le šukarimata Tiră ando tuneriko, thai o čeačimos Tiro ando čem le bîstărimahko?

¹³Raia, me mangau Teo kandimos thai dădroboitu o rudimos muŕo vazdel pe Tute.

¹⁴Andasoste, Raia, šudes o duxo muŕo? Andasoste garaves mangă Teo Mui?

¹⁵Andoa tărnimos, sîm bibaxtalo Thai çîrdau te merau, sîm astardo le daraimatăndar Tirăndar, thai či mai jeanau so te kărau.

¹⁶E xolli Tiri nakhăl pa mande, le daraimata Tiră mudarăn ma dă sa.

¹⁷On den ma angali soŕo des, sar varesar paia, phatearăn ma sa andakhdata.

¹⁸Dureardean mandar mîŕă amalen thai le jenen; thai kola dă pašal mîŕă kărdi'le bidikhle.