Read Kalderash Romani Cornilescu Bible 2020 (Romania) Psalmea 91 Bible Online

Psalmea 91 - Kalderash Romani Cornilescu Bible 2020 (Romania) bible

Psalmea 91

¹Kukoa kai bešel garado tala Kukoa but Baro, thai xodinil pe kai ušal Kolesti Asazuralesti,

²phenel poa Rai: „O sî o than mîŕă skăpimahko, thai četăçuia mîŕî, o Dell muŕo andea sao patea ma!”

³E, O skăpil tu andai phal le văšearăsti, la čiumatar thai lakă pustiendar.

⁴O garavela tu tala Lehkă por, thai garavela tu tala Lehkă phaka. Kă skuto thai arakhaimos sî Lehko Pateaimos!

⁵Či trăbul te daras či andoa daraimos andoa čiro la reateako, či la săjeatatar kai xureal desă,

⁶či la čiumatar, kai phirăl ando tuneriko, či le ponostar, kai phirăl desă ando des o baro.

⁷Ăkh mia te perăn paša tute, thai deši mii ka ti čeači, ta tutar či pašona.

⁸Dăsar dikhăsa le iakhănça, thai dikhăsa o potindimos kole jungalengo.

⁹Anda kă phenes: „O Rai sî o than muŕo le garaimahko!” Thai kărăs anda Kukoa o But Baro o turno tiro le skăpimahko,

¹⁰anda kodea či khă bibaxtalimos či arăsăla tu, či khă prikaza či pašeola tea çăratar.

¹¹Kă O mothola Pehkă înjerengă te arakhăn tu ande sa te droma;

¹²thai on nigrăna tu pel vast, ta na varesar te malaves teo punŕo vokh baŕăstar.

¹³Nakhăsa pal lei thai pal šopîrle, ušteavesa pal pui le leiengă thai pal sap.

¹⁴„Anda kă kamel Ma — phenel o Rai — anda kodea skpăiua les; arakhaua les, kă prinjeanel O Anau Muŕo.

¹⁵Kana akharăla Ma, daua les anglal; avaua lesa ando strandimos, skăpiaua les thai vestiua les.

¹⁶Čeailearaua les čivavasa bari, thai sîkavaua lehkă Muŕo skăpimos.”