Read Kalderash Romani Cornilescu Bible 2020 (Romania) Psalmea 92 Bible Online

Psalmea 92 - Kalderash Romani Cornilescu Bible 2020 (Romania) bible

Psalmea 92

¹Khă psalmo.Khă dilabaimos andoa des le Savatohko. Mundro sî te lăudisaras le Raies, thai te barearas o Anau Tiro, But Barea,

²te phenas dădroboitu o lašimos Tiro, thai reate Teo pateaimos,

³le instrumentença deše koardença thai la lăutasa, ando bašimos la xarfako.

⁴Kă tu vesălis ma le buteança Tirănça, Raia, thai me dilabau veselime, kana dikhau e buti Te vastendi,

⁵sode dă bară sî le butea Tiră, Raia, thai sode dă andră sî le gîngurea Tiră!

⁶O manuši o dilo či prinjeanel e buti kadea, thai o čealado či lel sama late.

⁷Kana kola le jungale zălenin sar e čear, thai kana sa kola kai kărăn o nasul lulludearăn, sî dăsar kaste aven xasardine ando veako.

⁸Ta Tu, Raia, san vazdino, veako ande veakoste!

⁹Kă dikta, Raia, le dušmaia Tiră, dikta kă le dušmaia Tiră xasaon: sa kola kai kărăn o nasul sî phaŕade.

¹⁰Ta man, Tu des ma e zor le guruwekalesti, thai piteardean ma zetinosa akanakărdo.

¹¹E iakh mîŕî dikhăl pherdo o kamimos anda le dušmaia mîŕă, thai o kan muŕo ašunel o pherdimos mîŕă kamimahko anda le dušmaia mîŕă le nasulimatahkă.

¹²Kukoa bibezexalo zălenil sar o palmieri, thai bareol sar o čedro andoa Libano.

¹³Kola thodine ando Khăr le Raiehko, zălenin andel barea amară Devllehkă.

¹⁴On anen roade i koa phurimos, sî pherde suko thai zălena,

¹⁵kaste sîkaven kă o Rai sî čeačio, O muŕo Kotorlebaŕăhko, ande sao nai bezex.