Read Kalderash Romani Cornilescu Bible 2020 (Romania) Psalmea 94 Bible Online

Psalmea 94 - Kalderash Romani Cornilescu Bible 2020 (Romania) bible

Psalmea 94

¹Raia, Devlla le amboldimatăngo, Tu, Devlla le amboldimatăngo, Sîkavta Tu!

²Ušti Ta, Krisînitorii la phuweako, Thai potin kolele barimatăngă pala lengă kărimata!

³Ji kana izbutina le jungale, Raia, ji kana jeala pelengă le jungalengă?

⁴On den dimataduma zurale, den duma barimasa, thai sa kola kai kărăn nasul denpe bară.

⁵On linčearăn Te poporos, Raia, thai mekănzurales Teo mandimos.

⁶Denšuri la phiwlea thai le străinos, mudarăn le bidaddegărăn,

⁷thai phenen: „Či dikhăl o Rai, thai o Dell le Iakovohko či lel godi!”

⁸Varesar, sîteon godi, manuši bi godeako! Manuši dile, kana xareaona!

⁹Kukoa kai thodea o kan, daštila te na ašunel? Kukoa kai kărdea e iakh, daštila te na dikhăl?

¹⁰Kukoa kai došarăl le neamuren, daštila te na došarăl, O, kai dea le manušes prinjeandimos?

¹¹O Dell prinjeanel le gînduri le manušehkă: jeanel kă sî khančehkă.

¹²Baxtalo le manušestar, kai došarăs les Tu, Raia, thai saves sîkaves les andai Kris Tiri,

¹³Kaste ujearăs les andel des le bibaxtalimahkă, ji kana xunavela pe e groapa kolesti le jungalesti!

¹⁴Kă o Rai či mekăl Pehkă poporos, thai či mekăl Pehko mandimos.

¹⁵Ta kărdeola pe ăkhdata e kris pala o čeačimos, thai sa le illesa ujo arakhăna la laši.

¹⁶Kon kandela ma pa kukola le nasul? Kon nikrăla ma pa kola kai kărăn o nasul?

¹⁷Te na avino o Rai muŕo kandimos, sode dă iekhatar avilino muŕo duxo ando ašimos le mullimahko!

¹⁸Or sodivar phenau: „Zdrunčinil muŕo punŕo!” O lašimos Tiro, Raia, nikrăl ma orkana.

¹⁹Kana kale gînduri kovlearăn la gomilasa ande mande, Tiră răzgăimata ušteaven muŕo duxo.

²⁰Thona Tu le jungale te bešes pe lengo skamin le raimahko, On kai lašarăn o bibaxtalimos koa garadimos la krisako?

²¹On kai tiden pe pai čivava kolesti bibezexalo, thai došaven rat bidošalo.

²²Ta o Rai sî o turno muŕo le skăpimahko.

²³O kărăla te perăl pa lende e bikris, O mudarăla le ando nasulimos lengo; O Rai, amaro Dell, mudarăla le.