Read Kalderash Romani Cornilescu Bible 2020 (Romania) Psalmea 95 Bible Online

Psalmea 95 - Kalderash Romani Cornilescu Bible 2020 (Romania) bible

Psalmea 95

¹Aven te dilabas vesălimasa le Raiehkă, thai te çîpisaras bukurimasa karing o Kotorlebaŕăhko amară skăpimahko.

²Te jeas angla Leste lăudimatănça, te kăras te ašundeon pe dilea ande Lesti pativ!

³Kă o Rai sî khă Dell baro, sî khă Thagar baro mai opră dă sal devla.

⁴O nikrăl ando vast le xarea la phuweakă, thai le gora le barăbaŕăngo sî Lehkă.

⁵Lesti sî e marea, O kărdea la, thai Lehkă vast kărdine o šutimos:

⁶Aven te bandiuas thai te mekasaametelal, te mekas le čeanga angloa Rai, o Kărditorii amaro!

⁷Kă O sî o Dell amaro, thai ame sam o poporo Lehka čeareako, o kîrdo kai nikră les Lehko vast… O! te ašunena ades Lehkă mostar!

⁸„Na baŕaăn tumaro illo, sar kai Meriba, ando des katai Masa, ande pustia,

⁹kai tumară dadda zumade Ma, thai xillearde Ma, barem kă dikhlinesas Mîŕă butea.

¹⁰Štarvardeši bărši greçosai Lem la viçatar kadalatar, thai phendem: „Sî khă viça le illesa xasardo; on či prinjeanen Mîŕă droma.”

¹¹Anda kodea solaxadem ande Mîŕî xolli: „Či šona pe ando xodinimos Muŕo!”