Read Kalderash Romani Cornilescu Bible 2020 (Romania) Psalmea 99 Bible Online

Psalmea 99 - Kalderash Romani Cornilescu Bible 2020 (Romania) bible

Psalmea 99

¹Khă psalmo le Davidohko. O Rai thagaril: le popoare izdran; O bešel pel xeruvimea: e phuw mištil pe.

²O Rai sî baro ando Siono, thai sî vazdino pa sal popoare.

³Te lăudin le manuši Teo Anau o baro thai le daraimahko, kă sî sfînto!

⁴Te lăudin le manuši o zuralimos le Thagarehko, kă kamel o čeačimos! Tu zurearăs o čeačimos, Tu kărăs čeačimos thai krisînis ando Iakovo.

⁵Vazden le Raies, le Devlles amarăs, thai bandeon angloa than Lehkă pînŕăngo, kă sî sfînto!

⁶O Moise thai o Aarono, andal raša Lehkă, thai o Samuelo, anda kola kai akharăn Lehko Anau, akharde le Raies, thai O ašundea le.

⁷O dea lengă duma andoa tillo le norohko; on arakhle Lehkă mothodimata thai e Kris, kai dea lengă la O.

⁸Raia, Devlla amaro, Tu ašundean le: sanas anda lende khă Dell iertimahko, ta došaldean le andal athadimata lengă.

⁹Vazden le Raies, le Devlles amarăs, thai bandeon po baŕobaro Lehko kukoa o sfînto! Kă o Rai, o Dell amaro, sî sfănto!