Read Kalderash Romani Cornilescu Bible 2020 (Romania) Le Pilde 13 Bible Online

Le Pilde 13 - Kalderash Romani Cornilescu Bible 2020 (Romania) bible

Le Pilde 13

¹Khă šeau xarano ašunel le sîkaimata pehkă daddehkă, ta o prasaitorii či ašunel o xamos.

²Andoa rodo le mohko sî tu rig mištimastar, ta kola rimome sî le rig čiungaratar.

³Kon arakhăl pehko mui, arakhăl pehko duxo; kon pîtrăl pehkă ušt bară prastel karing lehko xasardimos.

⁴O khandino kamel but, thai varesar, nai les khanči, ta kola le vrenikuri čeaileon.

⁵Kukoa o bibezexalo čidabadikhăl le divanuri le xoxamne, ta kukoa o nasul kărdeol jungalo thai garadeol lajavestar.

⁶O bibezexalimos arakhăl koles le bidošales, ta o nasulimos anel o xasardimos le bezexalehko.

⁷Iekh kărdeol bravalo, thai nai les khanči, aver kărdeol čioŕo, thai sî les varesar but bravalimata.

⁸O manuši pehkă bravalimasa potinel pesti čivava, ta o čioŕo či ašunel o xallimos.

⁹E lumina kolengo bibezexale phabol vesălimasa, ta e momelli kolendi le nasul mudardeol.

¹⁰Andoa barimos astardeon le čiungara, ta o xaraimos sî kukoa kai ašunel le phendimata.

¹¹O bravalimos lino bi buteako bilal, ta so tidel pe lokăs lokoŕîmasa bareol.

¹²Khă ajukărimos šudinopale nasfarăl o illo, ta khă kamimos pherdo sî khă kašt čivavako.

¹³Kon či lelsama o Divano le Raiehko xasardeol, ta kon daral le mothodimastar sî potindino.

¹⁴O sîkaimos le xaranehko sî khă isvoro čivavako, kaste durearăl le manušes anda le astardimata le mullimahkă.

¹⁵Khă godi sastevesti lel lašokamimos, ta o drom kolengo le rimome sîbaŕuno.

¹⁶Orsao manuši xarano kărăl buti prinjeandimasa, ta o čealado del koa sîkaimos pehko čealadimos.

¹⁷Khă solo nasul perăl ando bibaxtalimos, ta khă solo pateamno anel sastimos.

¹⁸O čioŕîmos thai o lajau sî e rig kolesti kai šudel o xallimos, ta kukoa so lelsama koa xallimos sî thodino ande pativ.

¹⁹O pherdimos khă kamblimahko sî o guglimos le duxohko, ta kolengo le čealadengo sî lengă jungales te mekăn pe nasulimastar.

²⁰Kon phirăl le xaranença kărdeol xarano, ta kas čeaileol les te phirăl le čealadença nigrăla nasul.

²¹O bibaxtalimos phirăl pala kukola kai bezexarăn, ta kola le bibezexale avena potindine baxtalimasa.

²²O manuši le mištimahko mekăl pehkă avimatorengă le šeavengă pehkă šeavengă, ta le bravalimata le bezexalehkă sî garadine anda kukoa o bibezexalo.

²³E phuw kai butearăla o čioŕo del xamos butimahko, ta but xasaon anda e zan lengă bičeačimasti.

²⁴Kon delrigate e ŕai, čidabadikhăl pehkă šeaves, ta kon kameles, došaveles andakhdata.

²⁵Kukoa o bibezexalo xal ji kana čeaileol, ta o păŕ kolengo le nasulimatăngo nigrăl lipsomos.