Read Kalderash Romani Cornilescu Bible 2020 (Romania) Le Pilde 16 Bible Online

Le Pilde 16 - Kalderash Romani Cornilescu Bible 2020 (Romania) bible

Le Pilde 16

¹Le planurea kai kărăle o illo phanden pe le manušestar, ta o dimosanglal kai deles o mui avel kata o Rai.

²Sa le droma le manušehkă sî uje andel iakh lehkă, ta kukoa kai rodel le duxuri sî o Rai.

³Tho te butea ando vast le Raiehko, thai kărdeona sa te planurea.

⁴O Rai kărdea le saoŕăn anda khă çînta, orta i koles le jungales andoa des le bibaxtalimahko.

⁵Orsao illo barimahko sî khă prikăjimos angloa Rai; mothodino, o či ašela bidošalo.

⁶Andoa kamblimos thai pateaimos o manuši skăpil la bikrisatar, thai andai dar le Raiesti dureol le nasulimastar.

⁷Kana sî čeaile le Raiehkă le droma varekahkă, kărăle amal orta i lehkă dušmaien.

⁸Mai mišto xançî, čeačimasa dă sar valosuri, bandimasa.

⁹O illo le manušehko del pe godi pe sao drom te phirăl, ta o Rai ortol lehkă pašea.

¹⁰Mothodimata devlikane sî po mui le thagarehko, lehko mui či trăbul te kărăl athaimata kana krisînil.

¹¹O tol thai o măsurimos orta aven kata o Rai; sal pharimata le tolohkă sî e buti Lesti.

¹²Le thagarengă sî lengă greçomos Te kărăn nasul, Kă andoa bibezexalimos zureaol khă Skamin raimahko.

¹³Le ušt bibezexale sî čeaile ăl thagarengă, thai on kamen kolen kai denduma bibezexalimasa.

¹⁴E xolli le thagaresti sî khă phenditorii le mullimahko, ta khă manuši xarano trăbul te atărdearăla.

¹⁵O străfeaimos le mohko le thagarehko sî čivava, thai o lašimos lehko sî sar khă brîšind anglamilaiehko.

¹⁶Sodesa mai but kărăl o limos le xaraimahko dă sar le sumnakahko! Sodesa sî mai dă kamblimos o limos le prinjeandimahko dă sar le rupehko!

¹⁷O drom le manušengo bi bezexako sî te arakhăn pe le nasulimastar; kodoa arakhăl pehko duxo, kai dikhăl pa pehkă droma.

¹⁸O barimos jeal angloa xasardimos, thai e fala jeal angloa peradimos.

¹⁹Mai mišto te aves meklinotele le meklinençatelal, dă sar te xulaves o limos kolença le barimahkă.

²⁰Kon delgodi koa Divano le Raiehko, arakhăl o baxtalimos, thai kon pateal pe ando Rai sî baxtalo.

²¹Kas sî khă illo xarano sî phendino prinjeandimahko, ta o guglimos le uštengo barearăl o jeanglimos.

²²O xaraimos sî khă isvoro čivavako anda kaste sî les; ta o došalimos le čealadengo sî o čealadimos lengo.

²³Kas sî khă illo xarano, sîkavel pehko xaraimos kana delduma, thai orkana dičion sîkaimata neve pe lehkă ušt.

²⁴Le divanuri le amlengă sî sar khă stupo avdinehko, gugle andoa duxo, thai sastimahkă andal kokala.

²⁵But droma fal laše le manušehkă, ta palal nigrăn koa merimos.

²⁶Kon butearăl, anda leste butearăl, kă lesti bokh tholes kai buti.

²⁷O manuši o rimome lašarăl o bibaxtalimos, thai pe lehkă ušt sî khă iag astardi.

²⁸O manuši bithanehko kărăl kîrkote, thai o pîŕîtori delrigate le mai lašen amalen.

²⁹O manuši o kuralimahko athavel pehkă pašes, thai nigrăles pe khă drom, kai nai lašo.

³⁰Kon phandavel le iakha, kaste del pe kal godimata le rimome, kon xal pehkă ušt, i kăredea o nasulimos.

³¹Le ball le parne sî khă kununa patimasti, oi arakhadeol pe drom le bibezexalimahko.

³²Kukoa kovlo kai xolli kărăl mai but dă sar khă zuralo, thai kon sî stăpîno pe peste kučearăl mai but dă sar kukoa kai lel khă četatea.

³³Šudel pe e bax ande podi la raxameati, ta orsao mothodimos avel kata o Rai.