Read Kalderash Romani Cornilescu Bible 2020 (Romania) Le Pilde 18 Bible Online

Le Pilde 18 - Kalderash Romani Cornilescu Bible 2020 (Romania) bible

Le Pilde 18

¹Kukoa kai či delduma rodel so čeaileoles, xolleaol anda orsavi buti laši.

²Le čealadehkă nai lehkă sîkaimahko, ta kamel te sîkavel so jeanel o.

³Kana avel kukoa o jungalo, avel i o bidikhlimos; thai ăkh data le lajavesa, avel i o prasaimos.

⁴Le divanuri le mohkă khă manušehkă sî sar varesar paia andraimahkă: o isvoro le xaraimahko sî sar khă šuvoio paiehko kai thavdel biatărdimahko.

⁵Nai mišto te avel tu ando dikhlimos o mui kole jungalehko, kaste bičeačearăs koles le bibezexales kai kris.

⁶Le divanuri le čealadehkă anen čiungar, thai o mui lehko akušel ji kana lel mardimata.

⁷O mui le čealadehko anel lehkă xasardimos, thai le ušt sî lehkă sar ăkh astardimos andoa duxo.

⁸Le divanuri le pupuitorehkă sî sar le guglimata: istran ji ando fundo le poŕăngo.

⁹Kon khandinil ande pesti buti sî pral kolesa kai mudarăl.

¹⁰O Anau le Raiehko sî khă turno zuralo; kukoa o bibezexalo prastel ande leste, thai bešel garado.

¹¹O bravalimos sî khă četatea zurali anda kukoa o bravalo; ande lesti godi, oi sî khă zîdo učio.

¹²Anglal le xasarimastar, o illo le manušehko phuteol, ta o meklimostelal jeal anglai slava.

¹³Kon delanglal bi te ašunel, kărîl khă dillimos thai çîrdel pehko lajau.

¹⁴O duxo le manušehko nikrăles koa nasfalimos; ta o duxo perado tristomastar, kon vazdela les?

¹⁵Khă illo prinjeando astarăl o jeanglimos, thai o kan kolengo xarane rodel o jeanglimos.

¹⁶Le pativa khă manušehkă kărăn lehkă than, thai pîtrăn lehkă o šutimos angla kola le bară.

¹⁷Kukoa kai delduma anglal ande pesti rig, fal kă sî les čeačimos, ta avel o kolaver, thai lel les koa rodimos.

¹⁸E baxleçîrdimasti thol gor le biatearimatăngo, thai phenel maškar kola le zurale.

¹⁹Le phral le bičeačearde sî mai pharăs line dă sar khă četatea zureardi, thai le xamata lengă sî sa kadea dă pharăs dinerigate sar le druguri khă khărăhko thagarno.

²⁰Andoa rodo pehkă mohko čeailearăl pehko manuši o stato, andoa avimos pehkă uštengo čeaileol.

²¹O merimos thai čivava sî ande zor la šibati; orkon kamelala, xala lakă roduri.

²²Kon arakhăl khă romni laši, arakhăl o baxtalimos; sî khă xaro kai leles kata o Rai.

²³O čioŕo del duma rudindoi pe, ta o bravalo delesanglal zorasa.

²⁴Kon kărăl pehkă but amal, kărăle karing o bibaxtalimos lehko, ta sî khă amal kai nikrăl mai but tute sar khă phral.