Read Kalderash Romani Cornilescu Bible 2020 (Romania) Le Pilde 19 Bible Online

Le Pilde 19 - Kalderash Romani Cornilescu Bible 2020 (Romania) bible

Le Pilde 19

¹Mai but kučeaăl o čioŕo, kai phirăl ando bibezexalimos lehko, dă sar khă bravalo uštença rimome thai čealado.

²O lipsomos le jeanglimastar sî khă xasardimos anda varekon, thai kon prastel dilivanes angle, avela lehkă nasul.

³O čealadimos le manušehko sučil lehko drom, thai pala kodea delduma nasul pa o Rai ande pehko illo.

⁴O bravalimos anel khă baro dindimos amalengo, ta o čioŕo sî meklino lehkă amalestar.

⁵O dikhlitorii o xoxamno či ašel bidošaldo, thai kukoa kai phenel xoxaimata či skăpila.

⁶O manuši vastehko sî les but čearmakhle, thai saoră sî amal kolesa kai del pativa.

⁷Sal phral le čioŕăhkă čidabadikhăn les; sodesa mai but dureon lehkă amal lestar! o ortol pe karing lende orbença rudimahkă, ta on kărdeon bidikhline.

⁸Kon rodel xaraimos, kamel Pehko duxo; Kon nikrăl o prinjeandimos, Arakhăl o baxtalimos.

⁹O dikhltorii o xoxamno či ašel bidošalo, thai kukoa kai phenel xoxaimata xasaola.

¹⁰Khă čealadehkă či bešel lehkă mišto andel govimata, sodesa mai xançî khă robohkă te stăpînil pal voievodurea.

¹¹O xaraimos kărăl khă manušes răbdimahko, thai sî khă pativ anda leste te bîstrăl le athaimata.

¹²E xolli le thagresti sî sar o xunhuimos khă leohko, thai o lašimos lehko sar e iasf pai čear.

¹³Khă šeau čealado sî khă bibaxtalimos anda lehko dadd, Thai khă romni mosti sî sar khă piteardini khărăsti Kai pitearăl andeiekh.

¹⁴O khăr thai o bravalimos las le katal dadda, ta khă romni jeanglimasti sî khă pativ kata o Rai.

¹⁵O khandimos nigrăl tu ande khă lindri andră, thai o duxo kovleardo dukhavel bokhatar.

¹⁶Kon arakhăl o mothodimos, arakhăl pehko duxo; kon či dikhăl pa pehko drom, merălla.

¹⁷Kas sî milla le čioŕăstar, del unjile le Raies, Thai O potinela lehko lašimos.

¹⁸Došar te šeaves, kă sa mai sî khă ajukărimos, ta na kam te mudarăs les.

¹⁹Koles kai astarăl les e xolli trăbul te lel pesti doši; kă kana ankalaves les anda late, trăbul te mai kărăs ăkhdata e buti kadea.

²⁰Ašun le phendimata, thai le o Sîkaimos, kaste aves xarano kana avela!

²¹O manuši kărăl but planuri ande pehko illo, ta o mothodimos le Raiehko, sî kukoa kai pherdeol.

²²Kutea so kărăl o mîndrimos khă manušehko sî lehko lašimos; thai mai but kučearăl khă čioŕo dă sar khă xoxamno.

²³E dar le Raiestar nigrăl kai čivava, thai kukoa kai sî les, xal reate čeailo, bi te avel rodino bibaxtalimastar.

²⁴O khandino šol pehko vast ando čearo, thai či nigrăles parpale koa mui.

²⁵Malav le prasaitores, thai o dillo kărdeola pe xarano; xatu le manušesa ateardo, thai atearăla o janglimos.

²⁶Kon čiorăl pehkă daddes thai našavel pehka deia, sî khă šeau kai anel lajau thai prasaimos.

²⁷Atărdear, šeaua, te mai ašunes o sîkaimos, kana durearăl tu le sîkaimatăndar le xaraimahkă.

²⁸Khă dikhlitorii rimome marăl pehkă khălimos le čeačimastar, thoa mui kolengo le jungalengo nakhavel e bikris.

²⁹Le došalimata sî lašarde anda le prasaitorea, thal maladimata anda le zăia le čealadengo.