Read Kalderash Romani Cornilescu Bible 2020 (Romania) Le Pilde 20 Bible Online

Le Pilde 20 - Kalderash Romani Cornilescu Bible 2020 (Romania) bible

Le Pilde 20

¹E moll sî prasaimasti, le pimata le zurale sî muiale; orkon mateol lença nai xarano.

²E dar kai dela o thagar sî sar o çîpimos le leohko, kon xollearăles, bezexarăl orta pa peste.

³Sî khă pativ anda khă manuši te arakhăl pe čiungarăndar; ta orsao čealado mekăl pe stăpînime le astardimastar.

⁴Ando dureardomilai, o khandino či amboldel e phuw; koa tidimos, kamela te tidel roade, ta nai les khanči!

⁵Le phendimata ando illo le manušehkă sî sar varesar paia andraimahkă, ta o manuši o ateardo jeanel te ankalavel anda lende.

⁶But manuši šingarăn pehko lašimos; ta kon dašti arakhăl khă manuši pateamno?

⁷Kukoa o bibezexalo phirăl ando bibezexalimos lehko; baxtale lehkă šeavendar pala leste!

⁸O thagar, kai bešel po skamin le raimahko le čeačimahko, rîsîpil orso nasul pehkă dikhlimasa.

⁹Kon dašti phenel: „Ujeardem muŕo illo, sîm ujo mîŕa bezexatar?”

¹⁰Dui mode pharimatăngă thai dui mode măsurengă, sî khă prikăjimos angloa Rai.

¹¹O šaoŕo mekăl te dičiol înkă anda lehkă kărdimata kana o phirimos lehko avela ujo thai bi bezexako.

¹²O kan kai ašunel, thai e iakh kai dikhăl, i pe aver i po kolaver, o Rai kărdea le.

¹³Na kam e lindri, kă arăsăsa čioŕo; pîtăr le iakha, thai čeaileosa manŕăstar.

¹⁴„Naul! Nasul!” phenel o tinditorii, thai telearindoi, baxtaol.

¹⁵Sî sumnakai thai sî but mărgăritare; ta le ušt le xarane sî khă buti kuči.

¹⁶Le lesti raxami kă thodea pe sumadi anda aver; thai nikăr les sumadi anda aver.

¹⁷O manŕo le xoxaimahko sî guglo le manušehkă, ta mai palal o mui sî lehkă pherdo tišai.

¹⁸Le planurea thon pe koa drom andoa phendimos! kăr o mardimos xaraimasa.

¹⁹Kon phirăl pupuimatănça del po mui le butea le garade; thai kolesa so našti nikrăl pehko mui te na xamistu.

²⁰Kana varekon delarmai pehkă daddes or pehka deia, mudardeola lehkă e lumina ando maškar le tunerikohko.

²¹Khă mandimos iekhatar lino dă anglal, či avela dinodumadămišto koa gor.

²²Na phen: „Amboldaua lehkă me o nasul!” Ajukăr ando Rai, thai O kandela tu.

²³O Rai čidabadikhăl dui mode pharimatăngă, thai o tol o xoxamno nai khă buti laši.

²⁴O Rai ortol le pašea le manušehkă, ta so atearăl o manuši anda pehko drom?

²⁵Sî khă astardimos anda khă manuši te kărăl iekhatar khă šinadimos sfînto, thai dăsar pala so kărdea o solaxaimos te del pe godi.

²⁶Khă thagar xarano delbraval kolen le jungalen, thai nakhăl la roatasa pa lende.

²⁷O phurdimos le manušehko sî khă lumina le Raiesti, anda kukoa o nasul sî le mardimata kai šol pe ji ando fundo le poŕăngo.

²⁸O lašimos thai o pateaimos arakhăn le thagares, thai o zurearăl pehko skamin le raimahko andoa lašimos.

²⁹E slava le tărnendi sî e zor, ta o kucčimos le phurăndi sî le ball le parne.

³⁰Le butea le sastearimahkă anda kukoa o nasul sî le mardimata thai le vînăçîmata ji koa šindimos.