Read Kalderash Romani Cornilescu Bible 2020 (Romania) Le Pilde 24 Bible Online

Le Pilde 24 - Kalderash Romani Cornilescu Bible 2020 (Romania) bible

Le Pilde 24

¹Na nikăr xolli pel manuši le jungale, thai na kam te aves sar lende;

²kă lengo illo delgodi te čioŕarăn, thai lengă ušt denduma bikrisa.

³Andoa xaraimos vazdel pe ăkh khăr, thai andoa prinjeandimos zureaol;

⁴andoa jeanglimos pherdeon lakă odăii sa le lašimatănça kučimahkă thai čeailimahkă.

⁵Khă manuši xarano sî pherdo zor, thai kukoa o prinjeando neverăl e čivava.

⁶Kă andal limata le godimahkă les o mardimos, thai andai but rig le phenditorengo sî tu o izbîndimos.

⁷O xaraimos sî but vazdino anda kukoa o čealado: o či pîtărăla o mui kai kris.

⁸Kon delgodi te kărăl nasul, bušol khă manuši pherdo nasulimos.

⁹E godi kolesti le čealadesti nai dăsar bezex, thai o prasaitorii sî khă prikăjimos anglal manuši.

¹⁰Kana šuteos ando des le năkazohko, xançî sî ti zor.

¹¹Skăpisar kolen çîrdine te merăn, thai skăpisar kolen kai sî paše te aven dinešuri.

¹²Kana phenes: „Au! Či jeanglem!” … Pateas kă či dikhăl Kukoa kai tolearăl le ille thai Kukoa kai dikhăl poa duxo tiro? Thai či potinela O sakoiekhăhkă pala lehkă kărdimata?

¹³Šeaua, xa avdin, kă sî lašo, Thai o faguro le avdinehko sî guglo anda o taloi te mohko.

¹⁴Sa kadea, i o xaraimos sî lašo anda teo duxo: te arakhăsa les, sî tu khă avimos, thai či šindeola teo ajukărimos.

¹⁵Na tinzosar astardimata, bikrisakă, koa khăr kolehko bibezexalo, thai na biujar lehko xodinimos.

¹⁶Kă kukoa o bibezexalo eftavar perăl, thai vazdel pe, ta kukola le jungale perăn ando bibaxtalimos.

¹⁷Na bukurisao andoa perimos te dušmanohko, thai te na vesălil pe teo illo kana lopînzîl pe o,

¹⁸te na varesar o Rai te dikhăl, te na čeaileol Les, thai te amboldel Pesi xolli lestar.

¹⁹Na xoleao andai zan kolendi kai kărăn nasul, thai na nikăr xolli pe kola le nasul!

²⁰Kă kukoa kai kărăl nasul nai les či khă avimos, thai e lumina kolendi le jungalendi mudardeol.

²¹Šeaua, dara le Raiestar thai le thagarestar; thai te na namistu kolença le bithanehko!

²²Kă' andakhdata avela lengă o xasardimos, thai kon dašti jeanel o gor lindongo!

²³Dikta so mai phenen le xarane: „Nai mišto te avel tu ando dikhlimos o mui le manušengo andel krisa.”

²⁴Kolehkă kai phenel le jungalehkă: „Tu san lašo!” Den les armaia le popoare, thai čidabadikhăn les le neamurea.

²⁵Ta kolengă kai krisînin orta jeal pe lengă mišto, thai khă baro dinodumadămišto avel pa lende.

²⁶Khă dimosanglal laxšo sî sar khă čiumidimos pel ušt.

²⁷Dikh anglal te buteandar dă avreal, lesama kai buti le kîmposti, thai pala kodea tho tu te vazdes o khăr.

²⁸Na deduma ando tipo lesnimahko pa teo pašo; ta kamesa te athaves te uštença?

²⁹Na phen: „Sar kărdea mangă o kadea sî te kărau lehkă i me, potinaua les pala lehkă kărdimata!”

³⁰Nakhlem pašai phuw khă khandimahko, thai pašai răz khă manušesti bi godeako.

³¹Thai sas dăsar ruguri, garado kanŕănça, thai o zîdo le baŕăhko sas perado.

³²Dikhlem mišto limasa godi, thai çîrdem sîkaimos anda so dikhlem.

³³„Te mai sovau xançî, te mai phandavau e iakh, te tinzo le vast xançî kaste xodini ma!” …

³⁴Thai o čiŕîmos avel pa tute biajukărdimahko, sar khă čior, thai o lipsomos, sar khă manuši narmome.