Read Kalderash Romani Cornilescu Bible 2020 (Romania) Le Pilde 28 Bible Online

Le Pilde 28 - Kalderash Romani Cornilescu Bible 2020 (Romania) bible

Le Pilde 28

¹Kukoa o nasul prastel bi te avel pala leste, ta o bibezexalo drăznil sar khă leo tărno.

²Kana sî mardimos andekh čem, sî but šeră, ta khă manušesa prinjeando thai zumado, o raimos nikrăl.

³Khă manuši čioŕo kai mekăl pe al mardine, sî sar khă šindimos norengo kai anel lipsomos manŕăhko.

⁴Kola kai mekăn e kris, lăudin koles le jungales, ta kola kai arakhăn e kris xolleaon pe leste.

⁵Le manuši dine koa nasul či atearăn so sî orta, ta kola kai roden le Raies atearăn sa.

⁶Mai but kučearăl o čioŕo kai phirăl ande pehko bibezexalimos, dă sar o bravalo kai phirăl pel droma sučimena.

⁷Kukoa kai arakhăl e kris, sî khă šeau prnjeandimahko, ta kukoa kai phiră le bilopînzîmenença kărăl lajau pehkă daddehkă.

⁸Kon butearăl pehkă bravalimata andoa sumadimos thai kamăta, tidele anda kukoa kai sî les milla le čioŕăndar.

⁹Kana varekon amboldel pehko kan kaste na ašunel e kris, orta i lehko rudimos sî khă prikăjimos.

¹⁰Kon xasarăl le manušen bibezexako po drom o nasul, perăl ande groapa kai xunadea la, ta le manuši bibezexako len o baxtalimos.

¹¹O manuši o bravalo pateal pe xarano, ta o čioŕo kai sî prinjeandimahko rodeles.

¹²Kana izbîndin kola le bibezexale, sî khă bari slava, ta kana vazden pe le jungale, orsao garadeol.

¹³Kon garavel pehkă bezexalimata, či jeal angle, ta kon phenele tahi mekăl pe lendar, lel ierimos.

¹⁴Baxtalo le manušestar kai daral biatărdimahko, ta kukoa kai baŕarăl pehko illo perăl ando bibaxtalimos.

¹⁵Sar khă leo kai çîpil, thai sar khă riš bokhalo, kadea sî kukoa kai stăpînil pa khă poporo čioŕo.

¹⁶Khă voievodo bi atearimahko butearăl pehkă kărdimata le meklimahkătelal, ta kukoa so čidabadikhăl o xarvalimos lunjearăl pehkă des.

¹⁷Khă manuši savehko dii pherdo le ratesa avrăhkărăsa, prastel ji kai groapa: khonikh te na atărdearăles.

¹⁸Kon phirăl ando bibezexalimos, arakhăl o skăpimos, ta kon phirăl pe dui droma bangă perăl ande groapa.

¹⁹Kon butearăl pehko kîmpo sî les bravalimos manŕăhko, ta kon prastel palal butea khančeskă sî les bravalimos čiorîmahko.

²⁰Khă manuši pateamno sî tasado andel dinedumadămišto, ta kukoa kai kamel te bravaol iekhatar či ašel bidošaldo.

²¹Nai mišto te rodes koa mui le manušengo, orta i anda khă kotor manŕo o manuši dašti del pe koa bezex.

²²Khă manuši kîrkotako iuçol pe te bravaol, thai či jeanel kă o lipsomos avel pa leste.

²³Kon çîrdel sama avrăngă, arakhăl mai but lašimos mai palal, dă sar kukoa la šibasa čeaŕmahkimasti.

²⁴Kon čiorăl pehkă daddes thai pehka deia, thai phenel kă nai bezex, sî jeno le mudarditoresa.

²⁵Kukoa o xîpalo kărăl čiungara, ta kukoa kai pateal pe ando Rai sî čealeardo ando bravalimos.

²⁶Kon pateal pe ande pehko illo sî čealado, ta kon phirăl ando xaraimos avela skăpime.

²⁷Kon del le čioŕăs, či nigrăl lipsomos, ta kon phandavel le iakha, sî pherdino armaia.

²⁸Kana vazden pe kolal jungale, sakogodi garadeon, ta on kana xasaon, kola le laše buteon.