Read Kalderash Romani Cornilescu Bible 2020 (Romania) Le Pilde 3 Bible Online

Le Pilde 3 - Kalderash Romani Cornilescu Bible 2020 (Romania) bible

Le Pilde 3

¹Šeaua, na bîstăr mîŕă sikaimata, Tthai garav ande teo illo le divanuri mîŕă!

²Kă on lungiarăna le des thai le bărši tea čivavakă, thai anena tukă but pačea.

³Te na mekăl tu o lašimos thai o pateaimos: phande tukă le kai koŕ, ramosar le po sastriç te illehko.

⁴Thai kadea lesa nakhlimos thai sastevesti godi, angloa Dell thai anglal manuši.

⁵Patea tu ando Rai anda sa teo illo, thai na nikărdeo pe teo xaraimos!

⁶Prinjean Les ande sa te droma, thai O ortola te droma.

⁷Na din tu korkoŕo xarano; dara le Raiestar, thai de tu rigate katoa nasul!

⁸Kadea anela tukă sastimos te statohkă, thai šudrimos te kokalengă.

⁹De pativ le Raies te bravalimatănça, thai le anglal roadença anda teo avimos:

¹⁰kă atunčea le divarea avena tukă pherde pe butimaste, thai le teaskuri tiră çîpina mustostar.

¹¹Šeaua, te na xolleaos po xamos le Raiehko, thai na avel tukă xolli pe Lehkă došaldimata.

¹²Kă o Rai xallpe kolesa kai kameles, sar khă dadd le šaoŕăsa kai kamel les!

¹³Baxtalo le manušestar kai arakhăl o xaraimos, thai le manušestar kai lel prinjeandimos!

¹⁴Kă o valoso kai aneles o sî mai lašo dă sar o rup, thai o andimos andino lestar sî mai kuči sar o sumnakai;

¹⁵o sî mai kuči dă sar le perle, thai sa le mandimata tiră našti ameazăn lesa.

¹⁶Ande čeači lesti sî khă čivava lungo; ande bičeači lesti, bravalimos thai slava.

¹⁷Le droma lehkă sî varesar droma mîndri, thai sal droma lehkă sî varesar droma lašimasa.

¹⁸O sî khă kašt čivavako anda kola kai astarăn les, thai kola kai sî le sî baxtale.

¹⁹Andoa xaraimos kărdea o Rai e phuw, thai andoa prinjeandimos zureardea O le čerurea;

²⁰andoa jeanglimos pîtărdi'le Lekă le Andraimata, thai pitearăn le norea e iasflačeareati.

²¹Šeaua, te na dureon le sîkaimata kdala te iakhăndar: nikăr o xaraimos thai o atearimos!

²²Kă on avena ande čivava te duxosti, i o kučimos kata ti koŕ.

²³Atunčea phirăsa pateamasa pe teo drom, thai teo punŕo či lopînzîla.

²⁴Kana sovesa, avesa bi darako, thai kana lela tu e lindri, o suno avela tukă guglo.

²⁵Na dara či la jungale daraimahko, či le avimastar andai rig kolendi le jungalendi;

²⁶că o Rai avela teo ajukărimos, thai O rakhăla teo punŕo le perimastar.

²⁷Na atărdear khă lašimos kolehkă so sî les kambimos lestar, kana dašti kărăs les.

²⁸Na phen te pašehkă: „Jeatar thai av pale; daua tu texara!” Kana sî tu katar te des.

²⁹Na de godi nasul te pašehkă, kana bešel ujardo paša tute.

³⁰Na xa tu bizaiako varekasa, kana či kărdea tukă či khă nasul.

³¹Na nikăr xolil po manuši le zuralimahko, thai na alosar či iekh anda lehkă droma!

³²Kă o Rai čidabadikhăl le manušen le rimomen, ta sî amal kolença le bibezexalimahkă.

³³E arman le Raiesti sî ando khăr kolesti le jungalesti, ta o khăr kolengo bibezexale o delesdumadămišto.

³⁴Kana sî les kărimos kolença le prasaimatorença, marăl pehkă khălimos lendar, ta kolengă le meklinetelal dele xaro.

³⁵Le xarane mandinina e slava, tai rig kolengă le dilengă sî o lajau.