Read Kalderash Romani Cornilescu Bible 2020 (Romania) Le Pilde 5 Bible Online

Le Pilde 5 - Kalderash Romani Cornilescu Bible 2020 (Romania) bible

Le Pilde 5

¹Šeaua, le godi koa xaraimos muŕo, thai bandear o kan koa sîkaimos muŕo,

²kaste aves godimasa, thai te ušt te aven le prinjeandimos.

³Kă le ušt la juwleakă la străinakă pitearăn avdin, thai o taloi laakă mohko sî mai isdrano sar o zetino;

⁴ta palal sî kărko sar o pelino, skuçome sar khă sabia duie šindimatănça.

⁵Le pînŕă lakă ulen koa mullimos, le pauri lakă den ando than le mullengo.

⁶Kadea kă oi našti te arakhăl o drom la čivavako, xasaol ande lakă droma, thai či jeanel karing jeal.

⁷Thai akana, šaoŕale, ašunen ma, thai na mai dureon katal divanuri mîŕă mohkă:

⁸dureo kata o drom kai jeal late, na mai pašo le udarăstar lakă khărăhko,

⁹ta na varesar te des avrăngă teo zuralimos, thai khă manušehko bimilako te bărši;

¹⁰ta na varesar străinea te čeaileon te mandimastar, thai tu te butearăs andoa khăr avrăhko;

¹¹ta na varesar te roves, palal, kana o mas thai teo stato nasfaona,

¹²thai te phenes: „Sar daštisardem me te na dabadikhau o xamos, thai sar či lea sama muŕo illo o xollearimos?

¹³Sar daštisardem te na ašunau o mui mîŕă sîkaitorengo, thai te na lau godi ka kukola so sikavenas ma?

¹⁴Sode koče te bibaxtauau dă sa ando maškar le poporohko thai le tidimahko!”

¹⁵Pi pai andai xaing tiri, thai andal isvoare te paiehko.

¹⁶So, kames te šordeon te Isvoare avri?

¹⁷Mekh le te aven dăsar anda tute, thai na andal străinea paša tute.

¹⁸O isvoro tiro te avel dinodumadămišto, thai bukurisao la romneatar te tărnimasti.

¹⁹Čerboaikă kamblini, kăprioara šukarni: av mato soa čiro lakă šukarimatăngo, av kamblino biatărdimahko lakă kamblimastar!

²⁰Thai anda soste, šeaua, avesa kamblino kha străinatar, thai desa angali e čiuči kha biprinjeandeati?

²¹Kă le droma le manušehkă sî dikhline anglal iakha le Raiehkă, thai O dikhăl sa lehkă droma.

²²Kukoa o nasul sî astardo orta ande lehkă bikrisa, thai sî astardo le phanglimatăndar lehka bezexatar.

²³O merăla andai sama biatărdimasti, ambladeola anda prea but lehko čealadimahko.