Read Kalderash Romani Cornilescu Bible 2020 (Romania) Le Pilde 6 Bible Online

Le Pilde 6 - Kalderash Romani Cornilescu Bible 2020 (Romania) bible

Le Pilde 6

¹Šeaua, kana thodean tu sumado anda teo pašo, kana astardean tu anda aver,

²kana san phanglo anda o šinaimos te mohko,

³kăr sa kadea e buti kadea, šeaua: pîtăr tu, kă pelean ando vast te pašehko! Anda kodea jea, šude tu le mosa kai phuw, thai rudisao lestar.

⁴Na de lindri te iakhăn, či soimos te pleoakhăngă!

⁵Skăpisar andoa vast lehko sar skăpil e kăprioara andoa vast le văšerehko, thai sar e čirikli andoa vast le čirikleatorehko…

⁶Jea kai tir, khandinea; dikh šutimasa sama kal doma lakă, thai xareao!

⁷La nai la či šerobaro, či dikhlitorii, či stăpîno;

⁸ta mila oi lašarăl pehkă o xamos, thai tidel xabenata ando čiro le tidimahko.

⁹Ji kana bešesa suto, khandinea? Kana uštesa anda ti lindri?

¹⁰Te mai soves xançî, te mai soves Xançî, te mai sučis xançî le vast kaste soves! …

¹¹Thai o čioŕîmos avela pa tute sar khă čior, thai o biavimos, sar khă manuši armença.

¹²O manuši khančesko, o manuši bikrisako, phirăl le bičeačimasa ando mui,

¹³tidel iakhăndar, del ando punŕo, thai kărăl sămnuri le naiença.

¹⁴O nasulimos sî ande lehko illo, andeiekh kărăl butea nasulimahkă, thai deldrom kîrkote.

¹⁵Anda kodea o xasarimos avela lehkă po biajukărdimos; avela linčeardo andakhdata, thai bi leakohko.

¹⁶Šou butea čidabadikhăl o Rai, thai orta efta sî lehkă bidikhlimahkă:

¹⁷le iakha opral, e šib e xoxamni, le vast kai šorăn rat bidošalo,

¹⁸o illo kai kărăl planuri bikrisako, le pînŕă kai prasten iekhatar koa nasul,

¹⁹o dikhlitorii o xoxamno, kai phenel xoxaimata, thai kukoa kai kărăl zaia maškar le phral.

²⁰Šeaoa, arakh le divanuri te daddehkă, thai na šude o sîkaimos tea dako:

²¹phande le biatărdimahko koa illo, phande le kai koŕ.

²²On avena tusa ande teo phirimos, thai arakhăna tu ando than, thai dena tukă duma koa ušteaimos!

²³Kă o divano sî sar khă lampa, o sîkaimos sar khă lumina, ta o phendimos thai o xallimos sî o drom la čivavako.

²⁴On arakhana tu la juwleatar rimome, la šibatar gugli kodola străinati.

²⁵Na kamla ande teo illo andoa šukarimos lako, thai na mekh tu çîrdino lakă iakhăndar.

²⁶Kă anda khă juwli kurva, o manuši arăsăl ta či mai ašeles dăsar khă kotor manŕo, thai e juwli măritime tinzol khă astardimos khă duxohkă kuči.

²⁷Dašti lel varekon iag ando bărkh, bi te astardeon lehkă çoale?

²⁸Or dašti jeal varekon pel angar astarde, bi te phabon lehkă pînŕă?

²⁹Sa kadea sî i kolesa kai jeal kai romni lehkă pašesti: orkon azbal pe latar či ašela bidošalo.

³⁰O čior nai phanglo kana čiorăl kaste atărdearăl pesti bokh, kă sî lehkă bokh;

³¹thai kana sî astardo, musai te del parpale eftavarăs, te del orta sa so sî les ando khăr.

³²Ta kukoa so butkurvil kha juwleasa sî khă manuši bigodeako, Orta xasarăl pesti čivava kon kărăl kadea.

³³Či avela les dîsar dukh thai lajau, thai o prasaimos či khosleola pe lehkă.

³⁴Kă e jelozia xollearăl le muršes, thai či fales nasul ando des le amboldimahko;

³⁵či dikhăl ka či khă potindimos potindimahko, thai či mekăl pe telal či anda o mai baro pativ.