Read Kalderash Romani Cornilescu Bible 2020 (Romania) Le Pilde 8 Bible Online

Le Pilde 8 - Kalderash Romani Cornilescu Bible 2020 (Romania) bible

Le Pilde 8

¹Či çîpil o xaraimos, thai či vazdel o prinjeandimos o mui?

²Oi tinzol pe opră pel vazdimata, avri po drom, kal răskruči,

³thai çîpil pašal udara, koa šutimos la četateako, koa šutimos le udarăngo:

⁴„Manušale, karing tumende çîpi, thai karing le šeave le manušengă ortol pe muŕo mui.

⁵Sîteon godi, dilealealelor, thai xareon čealadealelor!

⁶Ašunen, kă sî ma butea bară te phenau, thai mîŕă ušt pîtărdeon kaste sîkaven avrăn so sî orta.

⁷Kă o mui muŕo phenel o čeačimos, thai mîŕă ušt čidabadikhăn o xoxaimos!

⁸Sa le divanuri mîŕă mohkă sî orta, nai le khanči bičeačimahkoči amblado ande lende.

⁹Sa sî nakhadine anda kukoa o prinjeando, thai orta anda kukola kai arakhadine o sîkadimos.

¹⁰Len mai iekhatar le phendimata mîŕă dă sar o rup, thai mai iekhatar o sîkadimos dă sar o sumnakai o mai kuči.

¹¹Kă o xaraimos sî mai kuči dă sar le perle, thai či khă buti kučimasti našti ameazăl lasa.

¹²Me, o Xaraimos, sîma sar than e godi, thai dašti ankalavau le mai lašardine planurea.

¹³E dar le Raiestar sî o bidikhlimos le nasulimahko; O barimos thai biarăsadimos, o phirimos o jungalo thai o mui o xoxamno, dikta so či dabadikhau me.

¹⁴Mandar avel o phendimos thai e izbînda, me sîm o prinjeandimos, mîŕî sî e zor.

¹⁵Anda mande thagarin le thagar thai den le voeivoduri phendimata orta.

¹⁶Anda mande trden le šerăbară, thai le mai bară, sal krisînitorea la phuweakă.

¹⁷Me kamau kolen kai kamen ma, thai kolen kai roden ma sa pehka zorasa thai arakhăn ma.

¹⁸Mança sî o bravalimos thai slava, o nikărdimos le mandimatăngo thai o čeačimos.

¹⁹O rodo muŕo sî mai lašo dă sar o sumnakai o mai ujo, thai o avimos muŕo nakhavel o rup o mai alosardo.

²⁰Me phirau po drom le bidošalimahko, po maškar le dromengo le bibezexalimahkă,

²¹kaste dau khă čeači mandimos kai kamen ma, thai te pherau lengă visterimata.

²²O rai kărdea ma e mai anglal anda Lehkă butea, angla kolengă le mai purane butea Lehkă.

²³Me sîmas thodino anglae vešničia, angla orsao anglaimos, anglal te avel e phuw.

²⁴Sîmas kărdo kana înkă nas andraimata, či isvoare pherdine paiesa;

²⁵sîmas kărdo anglal le zuralimahko le baŕăbarăngo, anglal te aven le pleaia,

²⁶kana înkă nas či e phuw, či le islazurea, či kutea anglal prušuk andai poši la lumeati.

²⁷Kana kărdea o Rai le čerurea, me sîmas oče; kana çîrdea khă dikhlimos po mui le andraimahko,

²⁸kana karfosardea le norea opral, thai kana xutile la zorasa le isvoare le andarimahkă,

²⁹kana thodea rig la mareakă, ta le paia te na nakhăn pa Lehko mothodimos, kana thodea le temelii la phuweakă,

³⁰me sîmas Lehko buteari, kai buti paša Leste, khălindoi biatărdimahko angla Leste,

³¹khălindoi po rotokolo Lehka phuweako, thai arakhlindoi mangă o čeailimos andel šeave le manušengă.

³²Thai akana, šeavena, ašunen ma, kă baxtale kolendar kai arakhăn le droma mîŕă!

³³Ašunen o sîkaimos, kaste kărdeon xarane, thai na šuden o divano muŕo.

³⁴Baxtalo le manušestar kai ašunel ma, kai dikhăl ande sako des kal udara mîŕă, thai arakhăl o prago mîŕă udarăhko.

³⁵Kă kukoa kai arakhăl ma, arakhăl e čivava, thai lel o lašimos le Raiehko.

³⁶Ta kukoa kai bezexarăl pa mande dukhavel pehko duxo; sa kola kai čidabadikhăn ma man, kamen o merimos.