Read Kalderash Romani Cornilescu Bible 2020 (Romania) Eclesaiato 1 Bible Online

Eclesaiato 1 - Kalderash Romani Cornilescu Bible 2020 (Romania) bible

Eclesaiato 1

¹Le divanuri le Eklesiastohkă, o šeau le Davidohko, o thagar le Ierusalimohko.

²Khă khančimos le khančimatonengo, phenel o Eklesiasto, khă khančimos le khančimatonengo! Sa sî khă khančimos.

³So valoso sî le manušes anda sa lesti buti kai dela tala o kham?

⁴Khă viça nakhăl, aver avel, thai phuw ašel vešniko andel pînŕă.

⁵O kham lulludearăl, perăl thai prastel karing o than katar lulludearăl pale.

⁶E bravall phurdel karing o dopašiledesăhko, thai amboldel pe kataravelereat; pala kodea pale amboldel pe, thai lelapale sa kodola totimata.

⁷Sal nanilašuri šordeon ande marea, thai marea sa či pherdeol: on prasten biatărdimahko karing o than katar telearăn, ka pale te telearăn oçal.

⁸Sa le butea sî ande khă biatărdimahko kovlearimos, kadea sar našti phenel pe; e iakh či mai čeaileol dikhlindoi, thai o kan či mai ašadeol ašundindoi.

⁹So sas, mai avela, thai so kărdilo, mai kărdeola; nai khanči neo tala o kham.

¹⁰Kana sî khă buti pa savi dašti phenel pe: „Dikta vareso neo!” dă but e buti kodea sas i ande le veakuri angla amende.

¹¹Khonikh či mai anel pehkă godi sostar so sas mai anglal; thai so mai avela, so kărdeola mai palalči mekăla či khă urma andimasti godi ka kola kai avena mai durearde.

¹²Me, o Eklesiasto, sîmas thagar po Israelo, ando Ierusalimo.

¹³Thodem muŕo illo te rodau thai te andravau xaraimasa sa so kărdeol pe talal čeruri: dikta khă kărdimos pherdo buteasa, ka sao thol o Dell le šeaven le manušengărăn.

¹⁴Dikhlem sa so kărdeol pe tala o kham; thai dikta kă sa sî khančimos thai prastaimos palai bravall!

¹⁵So sî bango, našti mai ortol pe, thai so manai našti mai nakhavel pe koa dindimos.

¹⁶Phendem ande mande orta: „Dikta kă sporisardem thai nakhadem ando xaraimos sa kolen kai stăpînisarde angla mande poa Ierusalimo, thai godi mîŕî dikhlea but xaraimos thai jeanglimos.

¹⁷Thodem muŕo illo te prinjeanau o xaraimos, thai te prinjeanau o dillimos thai o čealadimos.Ta ateardem kă i kadala sî khă prastaimos palai bravall.

¹⁸Kă kai sî but xaraimos, sî i but năkazo, thai kon jeanel but, sî les i mai but dukha.