Read Kalderash Romani Cornilescu Bible 2020 (Romania) Eclesaiato 11 Bible Online

Eclesaiato 11 - Kalderash Romani Cornilescu Bible 2020 (Romania) bible

Eclesaiato 11

¹Šude teo manŕo po pai, thai pala but čiro arakhăsa les pale!

²Xulavlales ande efta thai orta ande oxto, kă či jeanes so bibaxtalimos dašti del pai phuw.

³Kana pherdeon le norea brîšindestar, šorăn les pe phuw. Or karing perăla o kašt, avela karingodes, avela karingereat, ando than kai perăl, oče ašel.

⁴Kon dikhăl palai bravall, či thola ande phuw, thai kon dikhăl palal norea či tidela.

⁵Sar či jeanes sao sî o drom la bravaleako, či sar kărdeon le kokala ando păŕ la romneako la phareako, sa kadea či prinjeanes či e buti le Devllesti, kai kărăle saoŕăn.

⁶Dădroboitu, tho ti sămînça, thai ji reate na mekh o vast te xodinil, anda kă či jeanes so izbutila katea or kutea, or lidui sî sakadea dă lašea.

⁷Gugli sî e lumina thai khă čeailimos andal iakha te dikhăn o kham.

⁸Kadea, kana khă manuši trail but bărši, te bukuril pe, ande sa kadala bărši, thai te del pe godi sode dă but avena le des le tunerikohkă. Sa so avela sî khă xasardimos.

⁹Bukurisao, tărnea, ando tărnimos tiro, av le illesa vesălo sode san tărno, phir pe le droma alosarde te illestar thai te iakhăndar; ta te jeanes kă anda sa kadala akharăla tu o Dell kai kris.

¹⁰Našau orsao năkazo anda teo illo, durear o nasul anda teo stato; kă o tărnimos thai le zorea la čivavakă sî naklimahkă.