Read Kalderash Romani Cornilescu Bible 2020 (Romania) Dilabaimos Le Dilibaimatăngo 1 Bible Online

Dilabaimos Le Dilibaimatăngo 1 - Kalderash Romani Cornilescu Bible 2020 (Romania) bible

Dilabaimos Le Dilibaimatăngo 1

¹O dilabaimos le dilibaimatăngo, kărdino le Solemonostar.

²Te čiumidel ma le čiumidimatănça lehkă mosa! Kă sal răzgăimata tiră sî mai lašea dă sar e moll,

³le mirodenii tiră sî le khă sungaimos čeailimahko. O anau tiro sî sar khă mireasma šordini. Anda kodea kamen tu tut le šeia!

⁴Çîrde ma pala tute! Thai avta te prastas! O thagar nigrăl ma ande pehkă odăi… Vesălisaoasas thai bukurisaosas tutar; lăudisarasa le răzgăimata tiră mai but sar e moll! Pe čeačimaste san kamblino.

⁵Sîm kali, ta sîm šukar, šeia le Ierusalimohkă, sîm sar le çăre le Chedarohkă, thai sar sî le viguri le Solomonohkă.

⁶Na dikhăn kă sîm kadea kaleorî, kă phabardea ma o kham. Le šeave mîŕa deiakă xolleaile pe mande, thai thode ma pîndari kal răza. Ta e răz le šukarimasti mîŕî či arakhlem la.

⁷Phen mangă tu, kai kamel tu muŕo illo, kai nigrăs te bakrean kai čear, kai xodinis koa maškar le desăhko? Kă soste te phirau sar khă xasardi kal kîrduri te jenengă? —

⁸Kana či jeanes, o tu, e mai šukar andal juwlea, ankli palal urme le bakreangă, thai nigăr kai čear te busneorăn pašal kăroŕa le bakrearăngă.

⁹La grsneasa phangli kal urdona le Faraonohkă, ameau tu me tut, mîŕî kuči.

¹⁰So mîndri sî te bučii ando maškar le lănçišoarengo katai koŕ, thai so mîndro sî ti koŕ ando maškar le širurengo le mărgăritarengo!

¹¹Kărasa tukă kadea lançuçri sumnakune, piuteaimatănça rupune. —

¹²Sode bešel o thagar ka pesti skafidi, o nardo muŕo nigărăl teo sungaimos.

¹³O but kamblino muŕo sî mangă sar khă tituša mirosti, kai xodinil maškar mîŕă čiučea.

¹⁴O but kamblino sî anda mande sar khă drakha măliniçako, andal răza andoa En-Ghedi. —

¹⁵So šukar san, kamblinio, dikta so šukar san, le iakhănça tiră le golumbakă!

¹⁶So šukar san, kamblinea, so čeailimahko san! O zălenimos sî amaro than! —

¹⁷Le čedrea sî le grinzî amară khărăhkă, thai le tiparpšea sî amară pardosele. —