Read Kalderash Romani Cornilescu Bible 2020 (Romania) Dilabaimos Le Dilibaimatăngo 3 Bible Online

Dilabaimos Le Dilibaimatăngo 3 - Kalderash Romani Cornilescu Bible 2020 (Romania) bible

Dilabaimos Le Dilibaimatăngo 3

¹Rodem e reat, ande muŕo than, rodem le kamblines mîŕă illehko; rodem les, ta či arakhlem les…

²Uštilem, atunčeara, thai phirdem sai četatea, le uliçî thai le piaçuri; thai rodem le kamblimes mîŕă illehko… Rodem les, ta či arakhlem les!

³Malade ma le arakhaitorea kai den roata e četatea; thai pušlem le: „Či dikhlean le kamblimes mîŕă illehko?”

⁴Daba nakhlemas lendar, thai arakhlem mîŕă kamblimes mîŕă illehko. Astardem les, thai či mai meklem les ji kana andem les ando khăr mîŕa dako, ande odaia kolati kai kărdea ma. —

⁵Solaxau tume, šeia le Ierusalimohkă, pe le busneoravăšunea thai le čerboaiče poa kîmpo, Na mištin, na ušteaven o kamblimos, Ji pune či avel o.

⁶So dičiol pe ankăstindoi andai pustia, sar varesar tille thuwehkă, ando maškar le aburengo le mirohkă thai la tămîiakă dinoroata dă sal mirezme le bitindorengă le mirohkă? —

⁷Dikta, sî e pataška le Solomonosti, šovardeše zuralença, dineroata, le mai zurale andoa Israelo.

⁸Saoŕă sî narmome săbiença, thai saoŕă sî sîkade le mardimasa, sakogodi la sabiasa koa prašau, kaste na aveles khanči darako ando čiro la reateako.

⁹O thagar o Solomono kărdea pehkă kadea pataška andoa kašt andoa Libano.

¹⁰Le tille kărdea le rupehkă, o nikărdimos sumnakahko, o skamin purpurako; ta o maškar kučeardo khă Astarimasa alosardo, buteardo kamblimasa le šeiango le Ierusalimohkărănça.

¹¹Anklen, le šeia le Sionohkă, thai dikhăn le thagares le Solomonos, la kununasa kai nkunonosardea les lesti dei ando des lehka kununiako, ando des le vesălimahko lehkă illehko. —