Read Kalderash Romani Cornilescu Bible 2020 (Romania) Dilabaimos Le Dilibaimatăngo 8 Bible Online

Dilabaimos Le Dilibaimatăngo 8 - Kalderash Romani Cornilescu Bible 2020 (Romania) bible

Dilabaimos Le Dilibaimatăngo 8

¹Of! te avino muŕo phral, kai pilea kal čiučea mîŕa dakă! Kana te arakhlino tu ande uliça, sahkă čiumidau tu, thai khonikh nahkă nikrăl ma dă nasul.

²Sahkă lau tu thai sahkă anau tu koa khăr mîŕa deiako; oi sîkavela ma te dau tu te pes moll khandimasti, musto anda mîŕă rodii.

³O vast lehko o bičeačio te avel tala muŕo šero, thai čeači lesti te tidel ma ande angali! —

⁴Rudi tume, iagasa, šeia le Ierusalimohkă, na mištisarăn, na ušteaven o kamblimos, ji kana avel o.

⁵Kon sî kodea, kai anklel andai pustia, meklini pe pehko kamblino thai phendindoi: „Ušteadem tu talai phabelin; oče kărdea tu ti dei, oče kărdea tu, thai kărdea tu oi.” —

⁶Tho ma sar khă paftala pe teo illo, sar khă paftala pe teo vast; kă o kamblimos sî mai zuralo sar o merimos, thai jelozia sî biatărdimasti sar o than le mullengo; o jego lako sî khă jego iagako, khă para le Raiesti.

⁷Le paia kola le bară našti mudarăn o kamblimos, thai le nanilašuri naština te tasaven les; te dela o manuši sa le mandimata anda lehko khăr anda o kamblimos, Sa nahkă aveles dăsar bidikhlimos.

⁸Same khă phei çînorî, kai nai la înkă či čiučea. So kărasa amara pheiasa ando des kana avena lakă le peçitorea?

⁹Kana sî zîdo, vazdasa varesar zîmça rupune pa leste; ta kana sî udar, phandavasa les kha phaleasa čedrosti. —

¹⁰Me sîm zîdo, thai le čiučea mîŕă sî sar varesar turnuri; andel iakha lehkă sîmas sar iekh kai arakhlea e pačea.

¹¹O Solomono sas les khă răz ando Baal-Xamono; Dea la ka uni pîndarea; thai sako iekh trăbulas te anel andoa rodo lako ăkh mia siklea rupune.

¹²E răz mîŕî, kai sî mîŕî, me arakhau la. Nikăr tukă, Solomonona, kola ăkh mia sikli, thai dui šella te aven kolengă kai pîndin o rodo! —

¹³Tu, kai bešes andel barea, varesar amalea bandearăn o kan ka teo mui: mištokam thai mekh ma te ašunau les! —

¹⁴Avta iekhatar, kamblimena, kă khă busneorîvăšesti or sar o puio le čerbohko pel baŕlebară pherde mirozne!