Read Kalderash Romani Cornilescu Bible 2020 (Romania) Isaia 17 Bible Online

Isaia 17 - Kalderash Romani Cornilescu Bible 2020 (Romania) bible

Isaia 17

¹Prooročimos poa Damasdko: „Dikta, o Damasko či mai avela khă četatea, ta va arăsăla khă gomila peradimatăndar;

²le četăçi le Aroeruohkă sî mekline, sî dine xamosčereako le turmengă, kai soven biušteadimahko oče.

³Isprăvisaila la četăçuiasa le Efraimosti, thai arăsli koa gor le thagarimasa le Damaskohko; ta o ašimos la Siriako avela sar e slava le šavendi le Israeloskărăndi, phenel o Rai le oštirengo.

⁴„Ando des kodoa, e slava le Iakovesti avela saiardi, thai o rthulimos lehkă masăhko avela xasardo.

⁵Kărdeola pe sar atunčeara kana tidel o tiditorii o div, thai o vast lehko šinel le spikuri; e, sar koa tidimos le spikurengo ande xar e Refaimosti;

⁶mai ašena dă sar varesar, sar koa činaimos le zetinohko: dui, trin zetine, po gor le ŕaiango, štar or panji, pel ŕaia le roadença, phenel o Rai, o Dell le Israelohko.”

⁷Ando des kodoa, o manuši dikhăla karing pehko Kărditorii, thai lehkă iakha amboldeona pe karing o Sfînto le Israelohko;

⁸či mai dikhăla karing le altare, kai sî e buti lehkă vastesti, thai či mai dikhăla ka so kărdine lehkă naia, kal idolea la Astarteiakă thai kal tille dine le khamehkă.

⁹Ando des kodoa, le četăçi le zureardea avena sar le peradimata andoa văši thai andoa gor le Israelohkă, mekline averdata anglal šave le Israelohkă: avela khă pustimos!

¹⁰Kă bîstărdean le Devlles te skăpimahkărăs, thai či andean tukă godi le Kotărlebaŕăhko te skăpimahko. Anda kodea thodean tukă răsadurea čeailimahkă, thai thodeanandephuw butukuri străinea.

¹¹Kana thodean le, deanleroata kha bareasa, thai iekhatar dikhlean le lulludearindoi. Ta o tidimos le roadengo našlo orta ande leaka le veselimasti: thai dukh sî bi leakohko.

¹²Au! So ašundimos popoarăngo butengo, kai xunxuin sar xunxuil e marea! So butimos neamurengo, kai çîpin sar çîpin varesar paia zuralle.

¹³Le neamurea çîpin sar çîpin le paia le bară… Ta kana xalpe lença o Dell, on našen dur, naşadine sar e poši pe le baŕlebarăkoa phurdimos la bravaleqako, sar e phuw lini le vîrtejostar.

¹⁴Ande reat, avel khă bibaxtalimos biajukărdo, thai ji dădroboitu, či mai sî! Dikta e rig kolendi kai beliname, thai bax kolendi kai čiorăn ame.