Read Kalderash Romani Cornilescu Bible 2020 (Romania) Isaia 18 Bible Online

Isaia 18 - Kalderash Romani Cornilescu Bible 2020 (Romania) bible

Isaia 18

¹Au tutar, čem, ande sao ašundeol pe o bašimos le armengo, thai sao san înteal le nanilašurengo la Etiopiakă!

²Tu kai trades solea pe marea, andel beruri la papurakă kai phirănopral poa străfeaimos le paiengo! Jeantar, solea iekharimahkă, koa neamo kodoa o zurallo thai zurallimahko, koa poporo kodoa darano dă kata lehko anglimos, neamo zurallo kai linčearăl sa, thai savehko čem sî šindo nanilašendar.

³Tume sa, manuši la lumeakă thai tume, manuši la phuweakă, len sama kana vazdela pe o flako pel baŕlebară, thai ašunen kana bašel e šing!

⁴Kă kadea deamangăduma o Rai: „Me dikhau ujeardo andoa than Muŕo po tatimos o baro la luminako le khamesti, thai po aburo la iasfakolačeareko, ando čiro le tidimahko.

⁵Ta anglal o tidimos, kana perăl e lulludi, thai o rodo kărdeol bipako, o šinel iekhatar le raiŕa le šureança, baorta šinel i le lăstarea thai šudele…”

⁶Thai le Asirienea avena mekline kadeadar limos le čirikleangă čiordimahkă andal baŕlebară thai le jiwinengă la phuweakă; le čiriklea le limahkă nakhaven o millai pe lengă staturea le mulle, thai le jiwine la phuweakă vizirina pe lende.

⁷Ando čiro kodoa, anena pe pativa xabenehkă le Raiehkă le oštirengo, le poporostar kukoa zurallo thai zurallimahko, le poporostar o darano dă kata lehko kărdimos, neamo zurallo, kai linčearăl sa, thai savehko čem sî šindo nanilašendar: avena andine oče kai bešel o Anau le Raiehko le oštirengo, po baŕobaro le Sionohko.