Read Kalderash Romani Cornilescu Bible 2020 (Romania) Isaia 2 Bible Online

Isaia 2 - Kalderash Romani Cornilescu Bible 2020 (Romania) bible

Isaia 2

¹E prooročia le Isaiasti, o šeau le Amoçohko, poa Iuda thai poa Ierusalimo.

²Kărdeola pe ando thawdimos le čirurengo, kă o baŕbaro le Khărăhko le Raiehko avela thodino po mai učio baŕbaro; vazdela pe opral pal pleaia, thai sal neamuri tidena pe karing leste.

³Le popare jeana la gomilasa leste, thai phenena: „Aven, te ankles koa baŕbaroo le Raiehko, koa Khăr le Devllehko le Iakovohko, kaste sîăkavel ame le droma Lehkă, thai te phiras pe le droma Lehkă” Kă andoa Siono anklela e Kris, thai andoa Ierusalimo o divano le Raiehko.

⁴O avela o Krisînitorii le neamurengo, O phenela maškar khă baro dindimos popoarăngo; kadea kă andal săbii lengă kărăna pehkă sastrea plugohkă, thai andal suliçi lengă kosoare: či khă poporo či mai ankalavela e sabia poa kolaver, thai či mai sîteona o mardimos.

⁵„Aven, khăr le Iakovohko, te phiras ande lumina le Raiesti!”

⁶Kă meklean le poporos Tirăs, andoa khăr le Iakovohko, anda kă san pherde le idolea le Lulludimatorehkă, thai dine koa drabardimos sar le Filistenea, thai tiden pe le šavença le străinengărănça.

⁷O čem lengo sî pherdo rup thai sumnakai, thai le mandina lengă nai le gor; o čem sî pherdo grast, thai le urdona lengă bi dindimahko.

⁸Ta o čem lengo sî pherdo idolea, kă rudin pe angla le butea kărdine lengă vastendar, angla le butea kărdine lengă naiendar.

⁹Anda kodea kola le çînoră avena dinetele, thai kola le bară meklinetelal, či mai iertisa le.

¹⁰„Šon tume andel kotoralebaŕăngă, thai garaven tume ande phuw, daratar le Raiestar thai le străfeaimastar Leghkă barimahko!”

¹¹O manuši trăbula te mekăl tele pehko dikhlimos opral thai o dinobarimohko lehko avela meklinotelal: dă sar o Rai avela vazdino ando des kodoa.

¹²Kă sî khă des le Raiehko le oštirengo pa orsao manuši le dinobarimahko thai biarăslimahko, pa orsao vazdela pe, kaste avel meklinotelal:

¹³pa sa le čedrii le uče thai barimahkă le Libanohkă, thai pa sa le stejearengo le Basanohkă;

¹⁴pa sa le baŕbară le uče, thai pa sal pleaia barimahkă;

¹⁵Pa sal turnuri le uče, thai pa sal zîduri le zurearde;

¹⁶Pa sa le beruri andoa Tarsis, thai pa sa le butea čeailimahkă koa dikhlimos.

¹⁷O mîndrimos le manušengo avela meklinotelal; thai o barimos le manušengo avela bandeardo; dă sar o Rai avela vazdino ando des kodoa.

¹⁸Sal idolea xasaona.

¹⁹Le manuši šona pe andel thanalešudră le kotorălebaŕăngă thai andel phaŕadimata la phuweakă, daratar le Raiestar thai le străfeaimostar le barimatăhko Lehko, kana uštela te daravel e phuw.

²⁰Ando des kodoa, le manuši šudena pehkă idolea le rupehkă thai le idolea le sumnakahkă save kărdinesas le, kaste rudin pe lende, šudena le kal šobolanurea thai kal liliečea;

²¹thai šon pe ande le xîvea le kotorăbaŕăngo, thai ande le phaŕadimata le baŕăngă, la daratar le Raiekăratar thai le străfeaimastar Lehkă barimatahko, kana ušetela te daravel e phuw.

²²Na mai patean tume kadeadar ando manuši, ande savehkă uri nai dă sar phurdimos: kă so sî les potindimos les?