Read Kalderash Romani Cornilescu Bible 2020 (Romania) Isaia 20 Bible Online

Isaia 20 - Kalderash Romani Cornilescu Bible 2020 (Romania) bible

Isaia 20

¹Ando bărši kana avilo o Tartan ando Asdod, tradino le Sargonostar, o thagar la Asiriako, te marăl o Asdodo, thai lea les,

²ando čiro kodoao Rai deaduma le Isaiahkă, o šeau le Amoçohkă, thai phendea lehkă: „Jea, pîtăr teo gono pal tičiuri thai ankalau te papučea andal pînŕă!” O kărdea kadea, thai phirdea nango thai pînŕango.

³Thai o Rai phendea: „Pala sar Muŕo robo o Isaia phirăl nango thai pînŕango, trin bărši desăngo, sar sămno phendimahko andoa Ejipto thai andai Etiopia,

⁴sa kadea i o thagar la Asiriako lela andoa Ejipto thai andai Etiopia le astarden le mardimahkărăn thai le nigărdinen, tărne thai phură, nangă thai pînŕangă, le zăiança nandearde, karing o lajeau le Ejiptohko.

⁵Atuneara daraona thai lajana kolendar kai thodinesas pehko pateaimos ande Etiopia, thai denaspebară le Ejiptosa.

⁶Thai le bešlitorea pai rig kadea phenena ando des kodoa: „Dikta so arăslo amaro pateaimos, pe sao nikărdiuasas, kaste avas kandine thai skăpime le thagarestar la Asiriakărăstar! Sar skăpisarasa akana?”