Read Kalderash Romani Cornilescu Bible 2020 (Romania) Isaia 21 Bible Online

Isaia 21 - Kalderash Romani Cornilescu Bible 2020 (Romania) bible

Isaia 21

¹Prooročimos poa pustiimos la mareako. Sar jealangle e bravall kataravelodes, kadea avel o andoa pustiimos, andoa čem o darado.

²Khă vedenia barimasti sîkadea pe mangă. O zuralomeklitorii zurallesmekăltelal, O pustiitorii pustil. „Ankli ta Elamona! Detaroata, Medio! Kă kărau te atărdeon sa lengă andimatadiiehkă, — phenel o Rai.”

³Anda kodea pherdilo muŕo illo andoa biujeaimos, astarăn ma le dukha, sar le dukha kha juwleakă kana kărăl. Le matdimata či mekăn ma te ašunau, le isdraimata lopînzîn ma te dikhau.

⁴Marăl muŕo illo zurallimasa, astarăl ma e dar; e reat mîŕă čeailimatăndi arăsli khă reat darati.

⁵On thon e skafidi, e straja lelsama, thai on xan, pen… Ta andakhdata ašundeol pe çîpindoi: „Andel pînŕă, voievudurea! Makhăn o skuto!”

⁶Kă kadea deamangăduma o Rai: „Telear thai tho khă strajeri, kaste del ašundimos pa so va dikhăla.”

⁷O dikhlea grastimata, grastarea dui po dui, grastarea pel čiuši, grastarea pel kămile; thai ašunelas limasa godeako, la kukolasa la mai bareasa šutino samasa.

⁸Pala kodea çîpisardea sar khă leo: „Raia, bešlem orkna ande muŕo turno le arakhadimahko, thai bešlem arakhaimahko ande sal reatea.

⁹Thai dikta kă aviles grastarimea thai grastarea dui po dui.” Pala kodea lea pale o divano, thai phendea: „Pelo, pelo o Babilono, thai sa le ikoane le devlengă lehkă sî linčearde kai phuw!”

¹⁰O, muŕo poporo, kai sanas linčeardo sar le boambe le divehkă andai phuw mîŕî, so ašundem kata o Rai le oštirengo, o Dell le Israelohko, kodea phenau tumengă.

¹¹Prooročimos poa Dumei. Çîpil pe mangă andoa Seiro: „Străjerona, sode mai sî andai reat?” „Străjerona, mai sî but andai reat?

¹²O străjero delanglal: „Avel o droboitu, thai sî sa reat. Kana kamen te pušen, pušen; ambolden tume, thai aven pale.”

¹³Prooročimos pai Arabia. Nakhăla tumengă e reat ande le tufe la Arabiakă, kîrduri bitindorengă andoa Dedan!

¹⁴Nigrăn pai kolengă kai sî lengă truši; bešlitorea andoa Tema nigrăn manŕo le našitorengă!

¹⁵Kă on našen anglal săbii, andai sabia ankaladi andai teaka, angloa arko o tinzosardo, thai angla khă mardimos bimuklimahko.

¹⁶Kă kadea deamangăduma o Rai: „Înkă ăkh bărši, sar le bărši khă butitorehkă, thai isprăvila pe sa la slavasa le Chedarohkărosa.

¹⁷Či mai ašela dă sar khă xançî dindimos anda le zuralle arkašea, le šave le Chedarohkă, kă o Rai, o Dell le Israelohko, phendea la.