Read Kalderash Romani Cornilescu Bible 2020 (Romania) Isaia 26 Bible Online

Isaia 26 - Kalderash Romani Cornilescu Bible 2020 (Romania) bible

Isaia 26

¹Ando des kodoa, dilabala pe kakoa dilabaimos ando čem le Iudahko: „Same khă četatea zuralli; o Dell delame o skăpimos sar le zîduren thai zurallimos.”

²Pîtrăn le udara, kaste šol pe o neamo kukoa o bibezexalo thai pateamno.

³Kolehkă le illesa zurallo, Tu des les e pačea; e, e pačea, kă pateal pe ande Tute.

⁴Patean tume ando Rai ando veako, kă o Rai o Dell sî o Kotorlebaŕăhko le veakurengo.

⁵O deamuial kolen kai bešenas pel učimata, O bandeardea e četatea le barimasti; peradeala kai phuw, thai šudeala ande poši.

⁶Oi sî ušteadi andel pînŕă, andel pînŕă le čioŕăngă, tala le pašea kolengă dukhadine.

⁷O drom le čeačehko sî o bibezexalimos; Tu, kai san bi bezexako, ortosarăs o drom le čeačehko.

⁸Anda kodea ajukras Tu, Raia, thai po drom Tiră krisăngo; amaro duxo rovel pala o Anau Tiro thai pala o pomenimos Tiro.

⁹Muŕo dii kamel Tu reate, thai o duxo Muŕo rodel Tu ande muŕo andraimos. Kă, kana pherdeon le krisa Tiră pe phuw, le manuši la lumeakă sîteon o čeačimos.

¹⁰Kana iertis koles le jungales, o sa či sîteol o bibezexalimos, del pe koa nasulimos ando čem kai rail o bibezexalimos, thai či rodel koa barimos le Raiehko.

¹¹Raia, o vast Tiro sî zurallo: on či dikhănles! Ta dikhăna e zor Tiri anda Teo poporo, thai avena lajavehkă; phabarăla e iag Te dušmaien.

¹²Ta amengă, Raia, Tu des ame pačea, kă sa so kăras ame, Tu pherăs anda amende.

¹³Raia, Devlla amaro, aver stăpînin avri Tutar stăpînisarde pa amende, ta akana ndăsar Tut, thai dăsar Teo Anau akharas Les.

¹⁴Kola kai sî mulle akana či mai traina, sî varesar ušalea, thai či mai uxšetna; kă Tu došaldean le došaldean le, xasardean le thai khoslean lengo pomenimos.

¹⁵Butear o poporo, Raia! Butear o poporo, sîkau Ti slava; de parpale sa le phuwea le čemehkă.

¹⁶Raia, on rode Tu, kana sas koa strandimos; line te rudin pe, kana došaldean le.

¹⁷Sar mardeolas pe khă juwli phari, iekhatar te kărăl, thai sar çîpil oi ando maškar lakă dukhaimatăngo, kadea samas ame, dur Te Muiestar, Raia!

¹⁸Kărdeam, ateardeam dukha, thai, kana te kăras, kărdeam bravall: o čem nai skăpime, thai le bešlitorea lehkă nai dă sar kărdine.

¹⁹Te juwindin Te mulle! Te ušen le staturi mîŕă le mulle! — Ušten ta thai thai xuten opră bukurimastar, kola kai bešen akana ande phuw! Kă iasflačeareati Tiri sî khă iasfčeareati dimasti čivavati, thai e phuw ankalavela pale avri kolen le mullen.”

²⁰„Jea, muŕo poporo, šutu ande odaia tiri, thai phandau o udar pala tute; garv tu varesar leaka, ji pune nakhăla e xolli!

²¹Kă dikta, o Rai anklel anda Pehko than, te došarăl le bikrisa le bešlitorengă la phuweakă; thai phuw dela o rat po mui, thai či mai garavela le mudarimata.