Read Kalderash Romani Cornilescu Bible 2020 (Romania) Isaia 32 Bible Online

Isaia 32 - Kalderash Romani Cornilescu Bible 2020 (Romania) bible

Isaia 32

¹„Atunčeara o thgarthagarila čeačimasa, thai le voievodurea tradena binikărimahko.

²Sakogodi avela sar khă garaimos pai bravall, thai sar khă than skăpimahko paibrîšindestibravall, sar varesar nanilašuri paiehkă ande khă than šuko, sar e ušal khă kotorăbaŕăsti baro pe khă phuw phabardi trušatar.

³Le iakha kolengă kai dikhăn či mai avena phangle, thai le kan kolengă kai ašunena lena godi.

⁴O illo kolengo lesnea prinjeanela thai atearăla, i e šib le gîngaitoren deladuma iekhatar thai atearimahko.

⁵O čealado či mai bušola alosardo koa dii, či o jungalo či mai bušola le illesa bufllo.

⁶Kă o čealado phenel čealadimata, thai lehko illo lel sama koa nasul, kaste butearăl ando tipo bikrisako, thai te phel bičeačimata poa Rai, kaste mekăl mudardino o dii kolehko le bokhalehko, thai te lel o pimos kolehko le trušalehko.

⁷Le arme le jungalehkă sî xasardimatahkă; o kărăl planurea došalimahkă, kaste xasarăl kukoles le bibaxtales andel divanuri le xoxamne, orta kana e rig le čioŕăsti sî čeači.

⁸Ta kukoa alosardo koa dii kărăl planurea alosarde, thai bešel andel planurea lehkă le alosarde.”

⁹„Juwlea bi buteako, uštenta thai ašunen o mui muŕo! Šeia bifalimahkă, len godi koa divano muŕo!

¹⁰Andekh bărši thai varesar des, isdrana, bifalimatorengo; kă jealatar o tidimos le răzăngo, thai o tidimos le poamengo či mai avela.

¹¹Daraon, tume kola bi samakă! Isdran, bisamakona! Šuden pa tumende, nandearăn tume thai phanden tumară tičiuri çoalença rimahkărănça!

¹²Marăn tumaro kolin, andindoi tumengă godi le šukarimastar le islazurengo thai le butimastar le răzăngo.

¹³Pe phuw mîŕă poporohko bareon kanŕă thai ruguri, orta i ande sal khăra le čeailimahkăla četateakă la veselakă.

¹⁴O khăr o thagarino sî pustiime, e četatea e muiali sî meklini; o pleai thai o turno kandena ando veako sar thanašudră; le čiuši le văšune khăklena pehkă ande lende, thai le kîrduri xanačear,

¹⁵ji kana šordeola o Duxo dă opral pa amende; atunčeara e pustia paŕugleola pe ande phuw, thai o pomăto avela dikhlino sar khă văši.

¹⁶Atunčeara o binikărimos bešela ande pustia, thai o bibezexalimos avela les o than ando pomăto.

¹⁷E buti le bibezexalimasti avela e pačea, e roada le bibezexalimasti: o čiimos thai o ujearimos ando veako.

¹⁸O poporo muŕo bešela ando than la pačeako, ande le khăra bi la grijako thai andel garadimata ujeardine.

¹⁹Ta o văši avela peradino, tala o baŕlebrîšindehko thai četatea meklini andră.

²⁰Baxtale tumendar, kai thonandephuw orkaring ando lungo le paiengo, thai kai den drom orkai le guruwes thai le čiušes!”