Read Kalderash Romani Cornilescu Bible 2020 (Romania) Isaia 35 Bible Online

Isaia 35 - Kalderash Romani Cornilescu Bible 2020 (Romania) bible

Isaia 35

¹E pustia thai o čem bi paiehko bukurina pe; o pustimos vesălila pe, thai lulludearăla e rosa;

²pherdeola lulludea, thai xutela bukurimasa, dilabaimatănça vesălimahkă thai çîpimatănça biruimahkărănça, kă delape lehkă e slava le Libanosti, o străfeaimos le Karmelohko thai le Saronohko. Dikhăna e slava le Raiesti, o barimos le Devllehko amarăhko.

³„Zurearăn le vast le šutimahkă, thai zurearăn le čeanga kai peradeon.

⁴Phenen kolengă le sane koa illo: „Aven zuralle, thai na daran! Dikta tumară Devlles, o amboldimos avela, o potindimos le Devllehko; O orta avela, thai skăpila tume.”

⁵Atunčeara pîtărdeona pe le iakha le koŕăngă, pîtărdeona le kan le kašukăngă,

⁶atunčeara o lang xutela sar o čerbo, thai e šib le mutosti dilabala bukurimastar; kă ande pustia xutena paia, thai ando pustiimos paioŕa;

⁷e marea la tišaiati paŕugleola pe ando iazo thai e phuw e šuti andel isvoarepaiehkă. Ande vizuina kai kandelas thanehkă le šakalurengă, bareona trăstii thai papura.

⁸Oče šinela pe khă drom, kai bušola O drom kukoa o sfînto: či khă manuši biujo či nakhăla pa leste, ta avela dăsar anda kukola le sfinçome; kola kai jeana pe leste, orta i kukola bi godeako, naština te xasardeon.

⁹Pe drom kadoa či avela či khă leo, thai či khă jivina văšuni či astarăla pe leste, čina či avela arakhade pe lesteta kukola le potindine phirăna pe leste.

¹⁰Kola skăpime le Raiestar amboldena pe, thai jeana karing o Siono dilabaimatănça biruimatănça. Khă bukurimos vešniko kununina lengo šero, o vesălimos thai o bukurimos astarăla le, ta e dukh thai le vatimata našena!