Read Kalderash Romani Cornilescu Bible 2020 (Romania) Isaia 38 Bible Online

Isaia 38 - Kalderash Romani Cornilescu Bible 2020 (Romania) bible

Isaia 38

¹Ando čiro kodoa, o Ezechia sas nasfalo pe merimos. O prooroko o Isaia, o šeau le Amoçohko, avilo leste, thai phendea lehkă: „Kadea delduma o Rai: „tho ando lašardimosteo khăr, kă merăsa, thai či mai juwisa.”

²O Ezechia amboldi'lo le mosa koa zîdo, thai kărdea le Raiehkă kakoa rudimos:

³„Raia, an Tukă godi kă phirdem angla Tute pateaimasa thai le illesa ujo, thai kărdem so sî mišto abngla Tute!” Thai o Ezechia šordea but iasfa.

⁴Atunčeara o Rai deaduma le Isaiahkă kadeadar:

⁵„Telear, thai phen le Ezechiahkă: „Kadea delduma o Rai, o Dell te daddehko le Davidohko: „Ašundem o rudimos tiro thai dikhlem le iasfa tiră. Dikta kă mai thoaua dešupanji bărši kal des tea čivavakă.

⁶Skăpisaraua tut thai la četatea kadala, andoa vast le thagarehko la Asieriako, arakhaua e četatea kadea.

⁷Thai dikta o sămno andai rig le Raiesti pala sao prinjeanesa kă o Rai phenela o divano kai phendea les:

⁸amboldaua deše skărença e ušal saveasa ulisto o kham po kadrano le Axazohko.” Thai o kham dea pe parpale deše skărença pal skări pe sao ulistosas.

⁹O dilabaimos le Ezechiahko, o thagar le Iudahko, le avimasa le nasfalimahko thai le sastimahko lehko.

¹⁰„Phenauas: „Ande le mai laše bărši mîŕa čivavakă trăbul te jeau kal udara le thanehkă le mullengo! Sîm došalo le xasarimasa le kolavrăngă băršengă mîŕă, kai mai ašen mangă!

¹¹Phenauas: „Či mai dikaua le Raies, le Raies, pe phuw kolendi le juwidendi; Či mai dikhaua či khă manušes ando than le mullengo!

¹²O than muŕo sî lino thai nigărdino mandar, sar khă koliba bakrearăndi. Atearau o thaw mîŕa čivavako šindo sar khă astardimahko, kai šinela ma anda lehkă astarimos. Ji reateako thosa mangă gor.

¹³Çîpisardem ji dădroboitu; sar khă leo, linčeardeasas sa mîŕă kokala! Ji reateako thosa mangă gor.

¹⁴Čiripiuas sar khă rîndunika, krokăniuas sar khă kokoro, thai vatiuas sar khă gulumbiça.Mîŕă iakha dikhănas bilade karing o čerii: „Raia, sîm ando năkazo, kande ma!”

¹⁵So te mai phenau? O deamanglal thai ašundea ma. Akana phiraua meklinotelal ji koa gor mîŕă băršengo, pala so sîmas tristome kadeadar.

¹⁶Raia, andai milla Tiri bukuril pe o manuši čivavatar, anda late mai sî ma i man phurdimos, kă Tu kărăs ma sastevesto thai des ma pale e čivava.

¹⁷Dikta, orta le dukha mîŕă sas karing o skăpimos muŕo; Tu arakhlean čeailimos te ankalaves muŕo duxo andai groapa le ternimasti. Kă šudean pala Tute sa mîŕă bezexa!

¹⁸Kă na o than le mullengo lăudil Tu, na o merimos Barearăl Tu, thai kola kai uliste ande groapa či mai ajukărăn ando pateaimos Tiro.

¹⁹Ta kukoa o juwindo, e, kukoa o juwindo lăudil Tu, sar mande ades. O dadd kărăl prinjeando pehkă šavengă o pateaimos Tiro,

²⁰O Rai skăpisardea ma! Anda kodea, ande sal des amara čivavakă bašavasa andal koarde le instrumente amară, ando Khăr le Raiehko.”

²¹O Isaia phendeasas: „Te anel pe khă melli smoitinendi, thai te tinzola pai phumni; thai o Ezechia traila.”

²²Thai o Ezechia phendeasas: „Pala sao sămno prinjeanaua kă ankleaua koa Khăr le Raiehko?”