Read Kalderash Romani Cornilescu Bible 2020 (Romania) Isaia 39 Bible Online

Isaia 39 - Kalderash Romani Cornilescu Bible 2020 (Romania) bible

Isaia 39

¹Ande kodoa čiro, o Merak-Baladan, o šeau le Baldanahko, o thagar le Babilonohko, tradea khă lill thai khă pativ le Ezechiahkă, anda kă ašundeasas le nasfalimastar thai le satevimastar lehko.

²O Ezechia bukurisai'lo, thai sîkadea le tradinengăo than kai sas le butea le kučimahkă, o rup thai o sumnakai, le mirezme thai o zetino le kučimahko, sa lehko khăr le armengo, thai sa so sas ande lehkă visterii: či ašilea khanči ando khăr thai ande lehkă phuwea, save te na sîkadino le.

³O prooroko o Isaia avilo koa thagar o Ezechia, thai pušlea les: „So phendine le manuši kodola, thai katar aviline tute?” O Ezechia deanglal: „Avile mande anda khă čem dureardo, andoa Babilono.”

⁴O Isaia mai phendea: „So dikhline ande teo khăr?” O Ezechia deanglal: „Dikhline sa so sas ande muŕo khăr: či ašilea khanči ande mîŕă visterii, sao te na sîkadinolengă les.”

⁵Atunčeara o Isaia phendea le Ezechiahkă: „Ašun o divano le Raiehko le oštirengo!

⁶„Dikta, avena le čiruri kana nigrăna ando Babilono sa so sî ande teo khăr thai sa so tidine te dadda ji ando des dă adesara; khanči či ašela, phenel o Rai.

⁷„Thai lena anda te šave, ankăste anda tute, saven kărăsale, kaste kărăn le famenea ando khăr le thagarehko le Babilonohko.”

⁸O Ezechia deanglal le Isaiahkă: „O divano le Raiehko, kai phendean les, sî lašo. Kă, mai phendeas o, barem ando čiro mîŕa čivavako avela pačea thai ujimos!”