Read Kalderash Romani Cornilescu Bible 2020 (Romania) Isaia 4 Bible Online

Isaia 4 - Kalderash Romani Cornilescu Bible 2020 (Romania) bible

Isaia 4

¹Efta juwlea astarăna ando des kodoa khă korkoŕo murši, thai phenena: „Xasa orta amaro manŕo, thai xureavasa ame ande orta amară çoale; ta dă sar kăr ame te phiravas teo anau, thai le o prasaimos pa amende!”

²Ando čiro kodoa o šeau le Raiehko avela phero barimos thai slava, thai o rodo le čemehko avela pherdo străfeaimos thai šukarimos anda kola le skăpime le Israelohkă.

³Thai kukoa ašilo ando Siono, kukoa meklino ando Ierusalimo, bušola „sfînto”, orkon avela ramome maškar kola le juwinde, ando Ierusalimo.

⁴Pala so xalavela o Rai le marimata le šeiangă le Sionohkă, thai ujarăla o Ierusalimo andoa došalimos le ratehko andoa maškar lehko, le duxosa la krisînimatăngo thai le duxosa le xasarimatahko,

⁵O rai thola, pa soa tinzomos le barbaŕăhko le Sionohko thai pa lehkă thana le tidimahkă, khă noro thuwehko desă, thai khă iag parănça străfeaimahkă reate. E, pa sai slava avela khă garaimos,

⁶khă koliba, sar ušal andoa tatimos le deăhko, thai sar than garadimahko thai nikărimahko andal barăbravallea thai o brîšind.