Read Kalderash Romani Cornilescu Bible 2020 (Romania) Isaia 47 Bible Online

Isaia 47 - Kalderash Romani Cornilescu Bible 2020 (Romania) bible

Isaia 47

¹„Uli ta thai beši ande poši, šeibari, le Babilonosti; beši pe phuw, bi skamin raimahko, šei le Xaldeiendii; kă či mai phenena tukă saioŕî thai čeailimasti.

²Lel baŕ la moarakă, thai măčinisar aŕo; ankalau ti kasînka, vazde e podi tea ŕoteati, sîkau te pînŕă, nakh le nanilašuri!

³O nandimos sîkadeola pe tukă, thai dičiola pe teo lajau. Amboldaua, thai či mekaua khanikas.”

⁴„O Potinditorii amaro bušol o Rai le oštirengo, o Sfînto le Israelohko.”

⁵„Beši ande khă kolço, thai ašimuto, šei le Xaldeiendi! Kă či mai phenena tukă e thagrni le thagarimatăndi.

⁶Xolleailemas po poporo Muŕo, pîngărisardemas Mîŕo mandimos, thai demas le ande teo vast: ta tut nas tu milla lendar, ta mekleanlezurales tala o hamo o zurallo le phurăhko.

⁷Tu phenesas: „Andel veakuri avaua thagarni!” thai či dean tu godi, čina či dikhleanandosuno kă e buti kadea sî te isprăvil pe.

⁸Ašunta akana, tu kutea dini le čeailimatăndi, kai bešes bi grijako thai phenes ande teo illo: „Me, thai dă sar me či avaua čiăkhdata phiwli, thai či avaua čiăkhdata bi šavengo!”

⁹Thai varesar kadala dui butea kărdeona pe tukă andakhdata, thai sa ande kodoa des: i o xasrdimos le šavengo thai i o phiwllimos; perăna pa tute barea zorasa, ande xolli ka sa te drabardimata thai le but tiră fermečea.

¹⁰Kă pateasas tu ande teo nasulimos thai phenesas: „Khonikh či dikhăl ma!” O xaraimos thai o prinjeandimos tiro xoxadine tu, ta phenesas ande teo illo: „Me thai dă sar me.”

¹¹Anda kodea o bibaxtalimos avela pa tute, bi te dikhăs lehkă zorea; e arman perăla pa tute, bi te dašti împătisla; thai andakhdata avela pa tute o xasardimos, ande biajukărimaste.

¹²Av kadeadar te drabardimatănça thai le butimasa te farmečença, savengă dean ti buti dă anda teo tărnimos; dašti kă çîrdesa vokh valoso anda lende, daštisa kă kărăsa.

¹³Ašadilean sa pušlindoi: te ušten kadedar thai te skăpin tu kola kai xulaven o čerii, kai pîndin le čeraia, kai vestin, palal šon le neve, so sî te kărdeol pe tukă!

¹⁴Dikta le, arăsline sar e mirištea, kai phabarăla e iag, thai či va skăpina pesti čivava andal pare: kă či avela sar khă angar, ka sao tateol varekon, či khă iag, ka savi te bešel.

¹⁵Kadea avela e bax kolendi kai ašadeosas te pušes le. Thai kola kai kărdean bitindimos lença ande teo tărnimos phaŕadeona sakogodi ande khă rig: thai či avela khonikh kai te avel tukă ando kandimos.”