Read Kalderash Romani Cornilescu Bible 2020 (Romania) Isaia 50 Bible Online

Isaia 50 - Kalderash Romani Cornilescu Bible 2020 (Romania) bible

Isaia 50

¹„Kadea delduma o Rai: „Kai sî o lill le meklimahko, anda sao našdem tumara da? Or, savehkă anda kola kai dine Ma unjile bitindem tume? Dikhăn, anda e doši tumară bikrisăngo sanas bitindine, thai andai doši tumară bezăxandi sas našadini tumari dei.

²Anda soste nas khonikh kana avilem? Anda soste či dea khonik anglal kana dem mui? Sî Muŕo vast but tang kaste potinel? Or naima Man dăstul zor kaste skăpiu? Le xamosa Mîŕăsa. Me šutearau e marea, thai paruvau le nanilašurea ande pustia; lengă maše rimon pe, anda e lipsa le paiesti, thai merăn trušatar!

³Xureavau le čerurea le kalimasa le roimahkă, thai patearau le khă gonesa.”

⁴O Rai o Dell dea Ma khă šib bujandi, kaste jeanau te ušteavau la orbasa pe kukoa perado le tristomasa. O ušteavel Mangă, ande sako droboitu, O ušteavel Muŕo kan, te ašunau sar ašunen varesar učenikurea.

⁵O Rai o Dell pîtărdea Muŕo kan, thai či dem Ma parpale, čina či çîrdilem me parpale.

⁶Dem Mîŕă zăia angla kola kai malavenas Ma, thai le buči angla kola kai çîrdenas Mîŕă šor; či garadem Muŕo mui le prasaimatăndar thai le čiungarimatăndar.

⁷Ta o Rai o Dell kandea Ma; anda kodea či lajai Lem, anda kodea kărdem Mangă khă mui baŕuno jeanglindoi kă či avaua dino lajawehko.

⁸Kukoa kai Čeačeraăl Ma sî paše: „Kon deladuma pa Mande? Te avasanglal andekhthan!” „Kon sî Muŕo dušmano? Te avel karing Mande!”

⁹Dikta, o Rai o Dell kandel Ma: kon došavela Ma? Andečeačimasate, parugleon saoŕă andel dîrz sar khă raxami: e molia xala le.

¹⁰Sao anda tumende daral le Raiestar, te ašunel o mui Lehkă Robohko! Kon phirăl ando tuneriko thai nai les lumina, te pateal pe ando Anau le Raiehko, thai te nikărdeol ando Dell lehko!

¹¹Ta tume saoŕă, kai astarăn e iag, thai thon ambral pe late, phirăn ande lumina la iagati tumareati thai andel ambral kai astardean le. Andoa vast Muŕo kărdeon pe tumengă kadala butea, kaste pašleon andel dukha.