Read Kalderash Romani Cornilescu Bible 2020 (Romania) Isaia 53 Bible Online

Isaia 53 - Kalderash Romani Cornilescu Bible 2020 (Romania) bible

Isaia 53

¹Kon pateaia ande so phendeasas pe amengă? Kon prinjeandea o vast le Raiehko?

²O barilo angla Leste sar khă šaoŕo sano, sar khă Lăstarii kai anklel anda khă phuw šuti. Nas Les či šukarimos, či străfeaimos kaste ortol amară dikhlimata, thai o ameazămos Lehko nas Les khanči kai te čeaileol ame.

³Bidikhlino thai meklino le manušendar, manuši la dukhako thai sîkado le dukhaimasa, sas kadea dă bidikhlino kă amboldesas teo mui Lestar, thai ame či šuteam sama Lestar.

⁴Varesar, O le dukhadimata amară phiradea le, thai le dukha amară lea le pa Peste, thai ame pateaiam kă sî došaldo, malado le Devllestar, thai meklinotelal.

⁵Ta O sas pusado andal bezexa amară, linčeardo andal bikrisa amară. O došaldimos, kai del ame e pačea, pelo pa Leste, thai anda Lehkă šindimata ame sam sasteveste.

⁶Ame xasardiuasas saoŕănça sar varesar le bakrea, sakogodi dikhălas pehkă dromestar; ta o Rai kărdea te perăl pa Leste sa e bikris amari saoŕăndi.

⁷Kana sas tinuime thai kăznime, či pîtărdea o mui dăfel, sar khă bakrišo kai nigrăs les kai măčelăria, thai sar khă bakrii bimohko angla kola kai mîŕaven la: či pîtărdea o mui.

⁸O sas lino kăznimos thai krisînimos; ta kon anda kola andoa čiro Lehko pateaia kă O sas khoslo pai phuw kolendi le juwindendii thai malado mullimahko andal bezexa mîŕî poporohkă?

⁹E groapa Lesti sas thodini maškar le nasulimahkă, thai o thanlemullimahko Lehko andekh than kolesa le bravalesa, barem kă či kărdeasas či khă bikris thai či arakhadilosas či khă čiorimos ande Lehko mui.

¹⁰O Rai arakhlea dromesa te linčeară les ando dukhaimos… Ta, pala so dela Pesti čivava sar jertfa andoa bezex, dikhăla khă sămînça avimastitorengă, traila but des, thai e buti le Raiesti jealangle ande Lehkă vast.

¹¹Dikhăla o rodo la buteako Lehkă diiehko thai lulludearăla pe. Andoa prinjeandimos Lehko, o Robo Muŕo kukoa o bibezexalo thola bute manušen pala o kamimos le Raiehko, thai lela pa Peste o pharimos lengă bikrisăngo.

¹²Anda kodea daua Les e rig Lesti andekh than kolença le barănça, thai thagarila o limos kolença le zurallença, anda kă dea Pe Pes orta koa merimos, thai sas thodino ando dindimos kolengo bikrisako, anda kă phiradea le bezexa butengă thai rudisai'lo anda kola le došale.