Read Kalderash Romani Cornilescu Bible 2020 (Romania) Isaia 61 Bible Online

Isaia 61 - Kalderash Romani Cornilescu Bible 2020 (Romania) bible

Isaia 61

¹„O Duxo le Raiehko sî pa Mande, kă o Rai makhlea Ma te anau phendimata laše kolengă le bibaxtalengă: O tradea Ma te sastearau kolen le illesa linčeardo, te vesti le robengă o slobozîmos, le astardengăle mardimahkărăngă o izbăvimos;

²te vesti khă bărši meklimahko le Raiehko, thai khă des le amboldimahko le Devllehko amarăhko; te răzgăi sa kolen le tristomen;

³te dau kolen le tristomenen andoa Siono, te dau le khă kununa thagarnimasti ando than le ušarăhko, khă zetino bukurimahko ando than le roimahko, khă raxami lăudimasti ando than khă duxohko xolleariko, kaste aven phendimene „terebinça le bibezexalimahkă”, khă răsado le Raiehko, kaste kandel karing e slava Lesti”:

⁴„On vazdena pale le purane peradimata, vazdena le pale le peraimata andoa puraimos, nevearăna le četăçi le pustiimena, ašarde pustii anda neamo neamoste.

⁵Le străinea bešena thai bakrearăna le turmença, thai le šave le străinohkă avena le phaŕaditorea la phuweakă thai le răzarea tumară.

⁶Ta tume dena tume anau raša le Raiehkă, thai avena thodine andel kandimata amară Devllehkă, xana le bravalimata le neamurengă, thai dena tume bară lengă barimasa.

⁷Ando than le prasaimahko tumarăhko, avela tume neveardi pativ: ando than le lajawehko, vesălina pe lenga rigatar, kă stăpînina duvarăs ande lengo čem, thai avela le khă bukurimos vešniko.

⁸Kă Me, o Rai, kamau o čeačimos, čidabadikhau o čiordaimos thai e bikrisînimos; daua le pateamasa lengo potindimos, thai phandava lença khă phanglimos vešniko.

⁹E sămînça lendi avela prinjeandi maškar le neamurea, thai le avimata lengă maškar le popoare; sa kola kai dikhăna le, prinjeanena kă sî khă sămînça dinidumadămišto le Raiestar.”

¹⁰„Bukurisauau ando Rai, thai o dii Muŕo sî pherdo vesălimos ando Dell Muŕo; kă xureadea Ma le çoalença le skăpimahkărănça, garadea Ma la mantavasa le izbăvimasti, sar khă tărnes kučeardo kha kununasa thagarineasa, thai sar khă tărni, kučeardi pehkă buteança.

¹¹Kă, pala sar e phuw kărăl te lulludearăl o lăstari lako, thai pala sar khă bar kărăl te anklen lakă thodimata, kadea kărăl i o Rai, o Dell, te lulludearăl o skăpimos thai o lăudimos, angla sal neamurea.”