Read Kalderash Romani Cornilescu Bible 2020 (Romania) Levetiko 1 Bible Online

Levetiko 1 - Kalderash Romani Cornilescu Bible 2020 (Romania) bible

Levetiko 1

¹O Rai akhardea le Moisas; dea lehkă duma anda e çăra le arakhadimasti, thai phendea:

²„De duma le šeavengă le Israelohkă, thai phen lengă: Kana varekon maškar tumende anela khă pativ le Raiehkă, te anela anda le gurumnea, te avel or anda e čireada or anda e turma.

³Kana avela lesti pativ khă phabarimos dă sa anda e čireada, te anel la anda e rig e muršani bi či kha dukhako; thai kadeadar te anela koa uluw la çărako le arakhadimasti, angloa Rai, kaste avel čeaili le Raiehkă.

⁴Te thol pehko vast po šero le juvindimahko adino sar phabarimos dă sa, thai avela lino le Rastar, kaste kărăl iertimos anda leste.

⁵Te del šuri o guruwiç angloa Rai; thai le raša, le šeave le Aaronohkă, te anen o rat, thai te pitearrăn ande rig roata koa altari kata o uluw la çărako le arakhadimasti.

⁶Te ŕandel o guruwiç andino sar phabarimos dă sa, thai te šine les andel kotora.

⁷Le šeave le rašahkă le Aaronohkă te kărăn iag po altari thai te thon le kašt pe iag.

⁸Le raša, le šeave le Aaronohkă, te lašearăn le kotora, o šero thai o thullimos, pe le kašt thodine pe iag pa o altari.

⁹Te xalaven paiesa le xurdimata thai le pînŕă; thai o rašai te phabară le sa po altari. Kadoa sî khă phabarimos dă sa, khă jertfa phabardi iagatar, khă khandimatahko čeailo le Raiehkă.

¹⁰Kana e pativ lesti avela khă phabarimos dă sa anda e turma, bakrišendi or busnendi, te anel khă rig muršani bi dukhadi.

¹¹Te deles šuri ande rig katar perălereat le altaresti, angloa Rai; thai le raša, le šeave le Aaronohkă, te pitearăn lehko rat po altari rigatar roata.

¹²O te šine les andel kotora; o rašai te thole, andekhthan le šerăsa thai le thulimasa, pe le kašt la iagakă poa altari.

¹³Te xalavel paiesa le xurdimata thai le pînŕă, thai o rašai te anele sa, thai te phabarăle po altari. Kadoa sî khă phabarimos dă sa, phabardo iagatar, khă khandimatahko čeailo le Raiehkă.

¹⁴Kana e pativ andini lestar le Raiehkă sî te avel khă phabarimos dă sa anda le čiriklea, te anel les anda le turturele or anda khă puiço golumbohko.

¹⁵O rašai te anel e čirikli po altari; te pîtărăl lako šero la undiasa, thai te phabarăl la po altari, thai o rat te pitealakă pe khă zîdo le altarehko.

¹⁶Te ankalavel e guša le porănça lakă, thai te šudel la paša o altari, karing anklelodes, ando than kai tidel pe o ušar.

¹⁷Te phagăl lakă phaka, bi te pîtărăl le; thai o rašai te phabarăl e čirikli po altari, pe le kašt la iagakă. Kadoa sî khă phabarimos dă sa, khă jertfa phabardi iagatar, khă khandimatahko čeailo le Raiehkă.