Read Kalderash Romani Cornilescu Bible 2020 (Romania) Levetiko 16 Bible Online

Levetiko 16 - Kalderash Romani Cornilescu Bible 2020 (Romania) bible

Levetiko 16

¹O Dell dea duma le Moisahkă, pala o mullimos le duie šeavengo le Aaronohkă, mulle kana aviline angloa Rai.

²O Rai phendea le Moisahkă: „De duma te phralehkă le Aaronohkă, thai phen lehkă te na šol pe ande soa čiro ando sfînto than, înteal e perdeaua dă andral, angloa kapako le iertimahko, kai sî po chivoto, kaste na merăl; kă opral poa le kapako le iertimahko sîkadiuaua Me ando noro.

³Dikta sar te šolpe o Aarono ando sfînto than. Te lel khă guruwiçî anda e jertfa le iertimasti, thai khă bakrišo anda o iertimos dă sa.

⁴Te xureavel pe la tunikasa e sfinçome le inosti, te phandel pe le brăčinaresa andoa ino, thai te thol ando šero e mitra le inosti; kadala sî le çoale le sfinçome savença xureavela pe o pala so xalavela pehko stato ando pai.

⁵Te lel, kata o tidimos le šeavengo le Israelohko, dui busne anda e jertfa le iertimasti, thai khă bakrišo anda o phabarimos dă sa.

⁶O Aarono te anel pehko guruwiçî anda e jertfa le iertimasti, thai te kărăl iertimos, anda leste thai anda lehko khăr.

⁷Te lel kola dui busne, thai te thol le angloa Rai, koa uluw la çărako le arakhadimasti.

⁸O Aarono te šudel alosardimos anda kola le dui busne: khă alosardimos anda o Rai, thai khă alosardimos anda o Azazelo.

⁹O Aarono te lel o busno kai ankăsto koa alosardimos anda o Rai, thai te ane les jertfa iertimasti.

¹⁰O busno kai ankăsto koa alosardimos anda o Azazelo, te avel thodino juvindo angloa Rai, kaste kandel anda o kărimos le iertimahko, thai te del pelehkă drom ande pustia andoa Azazelo.

¹¹O Aarono te anel pehko guruwiçî anda e jertfa le iertimasti, thai te kărăl iertimos anda peste, thai anda lehko khăr. Te delšuri pehkă guruwiçăs anda pesti jertfa le iertimasti.

¹²Te lel khă kădelniça pherdi angar phabarde poa altari anglal le Raiehko, thai dui dukhuma tămîiakă khandimasti linčeardi xurdes; te nigrăl kadala butea înteal e perdeaua dă andral;

¹³te tho e tîmîia pe iag angloa Rai, anda koa nori le thuwehko la tămîiako te garavel o kapako le iertimahko poa chivoto le phendimahko, thai kadea či merăla.

¹⁴Te lel ando rat le guruwiçăhko thai te pitearăl le naiesa pe rig anglal le kapakosti le iertimahko karing anklelokham; te pitearăl andoa rat eftavar le naiesa angloa kapako le iertimahko.

¹⁵Te delšuri o busno andino sar jertfa le iertimasti andoa poporo, thai te anel lehko reat înteal la perdeauatar dă anglal. Le ratesa kadalesa te kărăl sa kadea sar kărdea le ratesa le guruwiçăhko, te pitearăl lesa karing o kapako le iertimahko thai angloa kapako le iertimahko.

¹⁶Kadea te kărl iertimos anda o sfînto than, anda le biujearimata le šeavengă le Israelohkă thai anda sa le phirimata la krisakă, anda save bezexarde on. Te kărăl sa kadea i anda e çăra le arakhadimasti, kai sî lença ando maškar lengă biujarimatăngo.

¹⁷Te na avel khonikh ande çăra le arakhadimasti kana šolape o Aarono te kărăl iertimos ando sfînto than, ji pune anklela anda leste. Te kărăl iertimos anda leste thai anda lehko khăr, thai andoa sa o tidimos le Israelohko.

¹⁸Pala so anklela, te jeal koa altari kai sî angloa Rai, thai te kărăl iertimos andoa altari,; te lel andoa rat le guruwiçăhko thai le busnehko, thai te thol pe le šinga le altarehkă, peste sa.

¹⁹Te pitearăl po altari pehkă naiesa eftavar andoa rat, thai kadea te ujeară les thai te sfinço les anda le biujearimata le šeavengo andoa Isrelo.

²⁰Kana isprăvila dă kărdimos o iertimos andoa sfînto than, anda e çăra le arakhadimasti, thai anda o altari, te anel o busno o juvindo.

²¹O Aarono te thol pehkă lidui vast po šero le busneshko le juvindehko, thai te mothol pa leste sa le bikrisako bezexa le šeavengo le Israelohkă thai ka sa le phiraimata bezexalimahkă lengă anda e kris; te thole po šero le busnehko, thai te deles drom ande pustia, anda khă manuši kai avela la thodino anda kadea buti.

²²O busno kodoa nigrăla pa peste sa le bikrisangogo bezexa ande khă phuw pustime, ande pustia te deles drom.

²³O Aarono te šolpe ande çăra le arakhadimasti, te šudel pehkă çoale le inohkă, kai xureadeasas le kana šutea pe ando sfînto than, thai te thole oče.

²⁴Te xalavel pehko stato ande khă than sfînto, thai te lel pale pehkă çoale. Pala kodea te ankle avri, te anel pehko phabarimos dă sa thai o phabarimos dă sa le poporohko, thai te kărăl iertimos anda peste thai andoa poporo.

²⁵Ta o thullimos la jertfako le iertimasti te phabarăl les po altari.

²⁶Kodoa kai našavela o busno anda o Azazelo, te xalavel pehkă çoale, thai te naiarăl pehko stato ando pai; pala kodea te šolpe pale ande tabăra.

²⁷Te ankalavel avri anda e tabăra o guruwiçî le iertimahko thai o busno le iertimahko, savengo rat sas andino ando sfînto than anda o kărimos le iertimahko, thai te phabarăl ande iag lengă morčea, o mas thai e gošni.

²⁸Kodoa kai phabarăla le, te xalavel pehkă çoale thai te naiarăl pehko stato ando pai; pala kodea, te šolpe pale ande tabăra.

²⁹Kadea avela khă kris vešniko: ando eftato šon, ando dešto des le šonehko, te smerin tumară sufleturi, te na kărăn či khă buti, či o kukoa kaibešeloče, či o străino kai bešel ande tumaro maškar.

³⁰Kă ande kadoa des kărdeola khă iertimos anda tumende, kaste ujearăn tume: avena ujearde anda sa tumară bezexa angloa Rai.

³¹Kadea te avel anda tumende khă des Savatohko, ăkh des čiimahko, ande savo te smerin tumară suflete. Kadea te avel khă kris vešniko.

³²O iertimos te avel kărdo le rašastar kai lea o makhlimos thai sao sas dino ando kandimos le Raiehko, kaste avel pala pehko dadd ando kandimos le rašaimahko; te xureavel pe ande le çoale le inohkă, le çoalença le sfînçome.

³³Te kărăl iertimos anda o Than but sfînto, te kărăl iertimos anda e çăra le arakhadimasti thai anda o altari, thai te kărăl iertimos anda le raša thai anda sa o poporo le tidimahko.

³⁴Kadea te avel anda tumende khă kris vešniko: ăkh data po bărši te kărdeol pe iertimos anda le šeave le Israelohkă, anda lengă bezexa.” O Aarono kărdea ortakadea sar mothodea le Moisahkă o Rai.