Read Kalderash Romani Cornilescu Bible 2020 (Romania) Ieremia 1 Bible Online

Ieremia 1 - Kalderash Romani Cornilescu Bible 2020 (Romania) bible

Ieremia 1

¹Le divanuri le Ieremiahkă, o šeau le Xilchiahko, iekh anda le raša andoa Anatot, andoa čem le Beneaminohko.

²O divano le Raiehko dea lehkă duma po čiro le Iosiahko, o šeau le Amonohko, o thagar le Iudahko, ando dešutrinto bărši lehkă raimahko,

³thai po čiro le Ioachimohko, o šeau le Iosiahko, o thagar le Iudahko, ji koa gor le băršehko dešuiexto le raimahko le Zedechiahko, o šeau le Iosiahko, o thagar le Iudahko, ji ando čiro kana sas nigărdo ande robia, ando šon o panjto.

⁴„O divano le Raiehko dea mangă duma kadea:

⁵„Mai anglal dă sar te kărdino tu ando păŕ tea dako, prinjeanauas tu, thai mai anglal dă sar te ankles tu anda lako păŕ lako, me thodemas tu rigate, thai kărdemas tu prooroko le neamurendgo.”

⁶Me demanglal: „Au! Raia, Devlla, dikhăs kă me či jeanau te dauduma, kă sîm khă šaoŕo.”

⁷Ta o Rai phendea mangă: „Na phen: „Sîm khă šaoŕo,” kă jeasa ka sa kola kai tradaua tu, thai phenesa sa so mothoaua tukă.

⁸Na dara lendar; kă Me sîm tusa kaste skăpi tu, — phenel o Rai. —

⁹Pala kodea o Rai tinzosardea Pehko vast, thai azbadea muŕo mui. Thai o Rai phendea mangă: „Dikta, thoau le divanuri Mîŕă ande teo mui.

¹⁰Dikta, ades thoau tu pal neamurea thai pal thagarimata, kaste çîrdes thai te šines, te peraves thai te mudarăs, te vazdes thai te thos.

¹¹O divano le Raiehko dea mangă duma kadea: „So dikhăs Ieremio?” Me demanglal: „Dikhau khă dikhlitorii.”

¹²Thai o Tai phendea mangă: „Mišto dikhlean; kă Me dikhau poa Divano Muŕo, kaste pherau les.”

¹³„O Divano le Raiehko dea mangă duma o duito data, kadea: „So dikhăs?” Me demanglal: „Dikhau khă kăzano klokotindoi, karing avelereat.”

¹⁴Thai o Rai phendea mangă: „Katar avelereat avela o bibaxtalimos pa sal bešlitorea le čemehkă.

¹⁵Kă dikta, akharaua sa le popoare le thagarimatăngă katar avelereat, phenel o Rai; on avena, thai thona sakogodi pehko skamin le raimahko koa šutimos le udarăngo le Ierusalimohko, pa sa le zîdurea lehkă rigatar peste sa, thai pa sa le četăçi le Iudahkă.

¹⁶Phenaua Mîŕă krisa pa lende, andai doši sa lengă nasulimahkă, anda kă mekline Ma, thai andine tămîia avră devlengă thai rudisai'le anglai buti pehkă vastengă.

¹⁷Na kărdean tukă tu korkoŕo e buti kadeaanda kă meklean le Raies, le Devlles tirăs, kana ortolas tu po drom o lašo.

¹⁸Dikta kă ando des kadoa kărau tu khă četatea zureardi, khă tillo satrehko, thai khă zîdo xarkumako, pa soa čem, pal thagar le Iudahkă, pa lengă šerălebară, pal raša lehkă thai poa poporo le čemehko.

¹⁹On marăna pe pa tute, ta či daština tu; kă Me sîm tusa, kaste skăpi tu, phenel o Rai.”