Read Kalderash Romani Cornilescu Bible 2020 (Romania) Ieremia 15 Bible Online

Ieremia 15 - Kalderash Romani Cornilescu Bible 2020 (Romania) bible

Ieremia 15

¹„O Rai phendea mangă: „Orta kana o Moise thai o Samuelo avena angla Mande, sa nahkă avau lašimasa angloa poporo kadoa. Našavles angla Mande, jealtar pehkă!

²Thai kana phenena tukă: „kai te jeas?” te des le anglal: „Kadea delduma o Rai: „Koa merimos kola dine meruimahkă, kai sabia kola dine la sabiakă, kai bokh kola dine le bokhalimahkă, kai robia, kola dine la robiakă!

³Kă tradaua pa lende štar modurea bibaxtalimatăngă, phenel o Rai: e sabia, kaste mudarăle, le jukăl kaste phaŕavenle, le čiriklea le čerehkă thai le jiwine la phuweakă, kaste xan le thai te mudarăn le.

⁴Kăraua le pomenimahkă anda sa le thagarimata la phuweakă, andai doši le Manasasti, o šeau le Ezechiahko, o thagar le Iudahko, thai anda sa so kărdea o ando Ierusalimo.

⁵Kă kas te fales nasul anda tute Ierusalimona, kon te rovel tu? Kon te jeal te pušel tu sastimastar?”

⁶„Meklean Ma, phenel o Rai, dean parpale; anda kodea tinzo Muŕo vast pa Tute kaste thai xasarav tu: sîm čeailo milatar.

⁷Šudau le la lopatasa, kal udara le čemehkă; lipsole šavendar, xasarau Mîŕă poporos, kă či dineperigate kata lengă droma.

⁸Le phiwlea lengă sî mai but sar le boambe la tišaiakă andai marea; pai dei le tărnesti, anau khă pustiitori desă ando des o baro; kărau te perăl andakhdata pa la o kăznimos thai o daraimos.

⁹Kutea kai kărdeasas efta šave bešel nasfali, del pehko dii; lako kham perăl kana sî dă sar des: sî lolli, garadi lajavestar. Kolen kai mai ašen, dau le limos la sabiakă angla lengă dušmaia, phenel o Rai.”

¹⁰„Au mandar, deio, kă kărdean ma, man, manuši khă manuši kîrkotako thai došako anda soa čem! Či lau unjile, čina či dau unjilimasa, thai sa saoŕă denmarman!

¹¹O Rai deaanglal: „E, avela tu khă avimos baxtalimasa; e, thoalazorasa le dušmanos te rudil tu, koa čiro le bibaxtalimahko thai koa čiro le kăznimahko!

¹²Daštil o sastri te phagăl o sastri katar avelereat thai e xarkuma?

¹³Le bravalimata thai le tidimata tiră daua le limos bipotindimahko, andai doši sa te bezexăngo, pe sai phuw tiri.

¹⁴Nigraua tu robo ka teo dušmano andekh čem, kai či prinjeanes les, kă e iag Mîŕa xolleati astardi'li thai phabol pa tumende!”

¹⁵„Tu jeanes sa, Raia! An Tukă godi mandar, na bîstăr ma, ambolde ma pel dukhaditorea mîŕă! Na le ma, pala Tiro baroŕăbdimos. Detugodi kă dukhvel ma o prasaimos andai buti Tiri!

¹⁶Kana lem le divanuri Tiră, nakhadem le; le divanuri Tiră sas o bukurimos thai o vesălimos mîŕă illehko, kă pala o Anau Tiro sîm dinoanau, Raia, Devlla le oštirengo!

¹⁷Či bešlem ando tidimos kolengo kai xan thai pen, kaste vesălima lença: andai dar Tea zorati, bešlem korkoŕo rigate, kă pherdeanas ma xollearimos.

¹⁸Andasoste či mai atărdeol o dukhaimos muŕo? Andasoste uçîl ma o šindimos thai či kamel te sastearăl pe? Te aves Tu anda mande sar khă isvoro athadimahko, sar khă pai, kai staxol?

¹⁹„Andakodea kadea delduma o Rai: „Kana astardeosa pale Mandar, dauatuanglal pale, thai bešesa angla Mande; kana xulavesa so sî kučimahko sostar nai khučimahko, avesa sar Muŕo mui. On te ambolden pe tute, na tu te amboldes tu lende!

²⁰Kăraua tu andoa poporo kadoa sar khă zîdo xarkuno; on marăna pe tusa, ta či marăna tu; kă Me avaua tusa, kaste skăpisarau tu thai te izbăvisarau tu, phenel o Rai.”

²¹„Ankalavaua tu andoa vast kolengo le jungalengo, thai skăpisaraua tu andoa vast le zuralitorengo.”