Read Kalderash Romani Cornilescu Bible 2020 (Romania) Ieremia 21 Bible Online

Ieremia 21 - Kalderash Romani Cornilescu Bible 2020 (Romania) bible

Ieremia 21

¹O divano phendino le Ieremiahkă andai rig le Raiesti, kana tradea o thagar o Zedechia le Pašxuros, o šau le Malchiahko, thai le Çefanias, o šeau le Maaseiahko, o rašai, kaste phenel lehkă:

²„Puši le Raies anda amende; kă o Nebukandençar, o thagar le Babilonohko, sî ando mardimos amença! Dašti kă o Rai kărăla anda amende vo iekh anda le šukardimata Lehkă, kaste durearăles amendar.”

³O Ieremia dealeanglal: „Te phenen le Zedechiahkă:

⁴„Kadea delduma o Rai, o Dell le Israelohko: „Dikta, amboldaua le arme le mardimahkă kai sî andel vast tumară, thai savença marăn tume avreal le zîdurendar, poa thagar le Babilonohko pal Xaldeia kai sî pa tumende, thai tidaua le ando maškar kadala četateako.

⁵Pala kodea me orta maraua Ma pa tumende, vastesa zurallo thai angaleasa zuralli, xolleasa, armaiasa, thai bară xollearimasa.

⁶Malavaua le bešlitoren la četateakă kadalakă, kaditi le manušen sode i le jiwinen, thai merăna anda khă čiuma daraimasti.”

⁷Pala kodea — phenel o Rai — daua le Zedechias, o thagar le Iudahko, lehkă kanditoren, le poporos, thai kukolen kai skăpina andai četatea kadea la čiumatar, la sabiatar thai le bokhalimastar, daua le ando vast le Nebunkandeçarohko, o thagar le Babilonohko, andel vast lengă dušmaiengă, andel vast kolengă kai kamen te len lendi čivava; thai o Nebukandençar nakhavela le andoa skuçimos la sabiako, či mekăla le, thai či falales nasul anda lende.

⁸Ta le poporohkă kadalehkă te phenes lehkă: „Kadea delduma o Rai: „Dikta kă thoau tumengă anglal o drom la čivavako thai o drom le merimahko.

⁹Kon ašela ande četatea kadea, merălla mudardo la sabiatar, le bokhalimastar or la čiumatar; ta kon anklela te jeal kal Xaldeia, kai dentumeroata, skăpila čivavasa, kai avela lehko korkoŕo limos.

¹⁰Kă Me orto Mîŕă dikhlimata pai četatea kadea kaste kărau lakă nasul, na mišto, phenel o Rai; oi avela dini ando vast le thagarehko le Babilonohko, kai phabarăla la iagasa.”

¹¹„Thai te phenes le khărăhkă le thagarehkă le Iudahkărăhkă: „Ašunen o Divano le Raiehko,

¹²khăr le Davidohko! Kadea delduma o Rai: „Kărăn čeačimos kana phaŕadeol o des, thai ankalaven koles le meklinestelal andal vast le zurallimatahko, kaste na astardeol e xolli Mîŕî sar khă iag, thai te astardeol, bi te dašti mudardeol, andai buti le nasulimatăngo le kărdimatăngă tumarăngă!

¹³Dikta, sîma năkazo pe tute, četate thodini ande xar, po kotorlebaŕăhko andoa islazo, phenel o Rai, pe tumende kai phenen: „Kon dašti ulel pa amende? Kon šola pe ande amară thana?”

¹⁴Došavaua tume pala o rodo tumară kărdimatăngo, phenel o Rai; thai thoaua iag tumară văšehkă, thai xala sa lakă riga.”